16.05.2021 | 09:42

2021-2022 сылларга ханнык бизнес аһыллара тоҕоостооҕуй?

2021-2022 сылларга ханнык бизнес аһыллара тоҕоостооҕуй?
Ааптар: Айталина Софронова
Бөлөххө киир

Бэйэ дьыалатын тэринэргэ биир сүрүн боппуруоһунан стартовай хапытаал буолар. Ол суумата элбэх буоллаҕына, биллэн турар, барыстаах уонна инникилээх бизнеһи олоххо киллэрэр түргэн. Ол эрээри, билиҥҥи балаһыанньаҕа уурунуу харчылаах киһи ахсааннаах. Онон биһиги саамай кыра угуулаах уонна билиҥҥи кэмҥэ тоҕоостоох бизнес-идиэйэлэри хомуйдубут.

Дьоҕус бизнескэ аналлаах идиэйэлэр

Франшизаны атыылаһан бизнес тэринии

Франшиза –  бизнес-модель быһыытынан арыныыга быдан табыгастаах. Ол эбэтэр элбэҕи толкуйдуу барбакка, эрдэттэн оҥоһуллубут бренди ылан үлэлэтэҕит. Франшизаҕа ночоотуруу куттала быдан намыһах — ол иһин  франшизаны атыылыыр бас билээччи бырайыаккыт төһө дохуоттаах  буолуоҕун бэйэтэ сыаналыыр.

Үөрэх куурустара

Манна дьоһун суолтата – дьоҕурдаах уонна уопуттаах  преподавателлэри түмүү. Үлэһиттэриҥ уопуттара элбэх, билиилэрэ киэҥ буоллаҕына, килийиэннэр интэриэстэрин тардыа турдаҕа. Үөрэх куурустара хаһан баҕарар тиийбэттэр, онон нэһилиэнньэ ханнык баҕарар араҥата үөрэх эйгэтигэр билиини ылара, ирдиирэ саарбаҕа суох.

Буола турар быһыыга-майгыга ордук омук тылын үөрэтии кууруһа, IT эйгэтэ, бухгалтерияны уонна кэрэни оҥоруу өҥөтүн кытта сибээстээх куурустар инники күөҥҥэ тураллар.

 

Б/у тиэхиньикэни атыылааһын

Барыстаах бизнес өссө биир идиэйэтэ электрониканы кытта сибээстээх. Маннык бырайыактар билигин быдан көдьүүстээхтэр. Ордук Apple хампаанньа табаардарын батарыы, атыылааһын инникилээх. Тоҕо диэтэххэ, бу бренди элбэх киһи сэҥээрэр, ымсыырар. Ол да буоллар, сыаната ботуччу соҕус буолан, киһи эрэ барыта ылынар кыаҕа суох.

Бу бизнескэ тиэхиньикэ туругун сатаан бэрэбиэркэлиир, сыананы быһар буолуохха наада уонна оффлайн маҕаһыын арыннаххына элбэх дохуоту, килийиэннэри бэйэҕэр тардаҕын.

Маникюр уонна кыламан бизнеһэ

Арааһа, кыргыттарга бу бизнес ордук киэҥник тарҕаммыт буолуохтаах. Тыҥырах оҥоруу үөрэҕэр быһа холоон 18 тыһыынча солкуобай барыаҕа уонна туттар матырыйаалы атыылаһарга соччо суума  наада. 40 тыһ.солк. иһигэр бэйэҥ бизнескин тэриниэххин сөп. Маҥнай дьиэҕэр олорон килийиэннэргин булунаҕын, уопутуран истэххинэ, сыанаҕын улаатыннараҕын. Атаххар турдаххына, бу үлэни баһылаатаххына,  үгүс маастардар курдук бэйэн салоҥҥун арынаҕын.

Квадрокоптердары куортамҥа биэрии

2021 сылга бизнескэ саамай интэриэһинэй идиэйэ бу баар. Манна билиҥҥитэ биһиги куораппытыгар конкуренция аҕыйах. Коптердары биэчэрдэргэ, корпоративтарга, сыбаайбаларга уонна да атын бырааһынньыктарга куортамҥа биэрэҕит. Бастакы инвестиция — дроннары  атыылаһыы. Ночоотурбат туһуттан  чэпчэки сыаналаах моделтан саҕалыаххытын сөп.

Кейтеринг

Билигин элбэх киһи бырааһынньыктарга эбэтэр бизнес-тэрээһиннэргэ сыаналаах рестораннар өҥөлөрүттэн аккаастаналлар. Ол оннугар кинилэр удамыр сыаналаах кейтеринтэн быдан элбэҕи сакаастыахтарын сөп.

Бу идиэйэни тэрийии, олоххо киллэрии син уустук эрээри, холобур, эрдэ поварынан үлэлээбит, ивент-агентствоҕа эбэтэр атын кейтериҥҥэ уопуттаах буоллаххытына, этиллибит бизнес эһиэхэ үчүгэй барыһы аҕалыан сөп.

Ас маҕаһыына

Супермаркет, кууһунан атыылыыр уоптабай дэлэй да буоллар, сорох дьон  куорат баһыттан тиийэн атыылаһар кыахтара суох. Маҕаһыыҥҥа киһи күн аайы сылдьар. Ордук оҕуруот аһын, фруктаны, килиэби, үүтү, сымыыты атыылаһар. Куоракка билигин даҕаны элбэх кыбартыыралаах дьиэлэр тастарыгар маҕаһыыннар тиийбэттэр. Онон ас маҕаһыынын тэринии хаһан баҕарар дохуоттаах.

Пандемия да кэмигэр ас маҕаһыына умайар кыаҕа суох. Тоҕо диэтэххэ, киһи бу орто дойдуга баарын тухары аһыыр уонна таҥнар.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...