«Жизнь в табуне» киинэни куоттарымаҥ

Сарсын, олунньу 2 күнүгэр, Ю.А. Гагарин аатынан култуура киинэ 17.00 чаастан «Жизнь в табуне» ураты киинэҕэ ыҥырар.

Саха норуотугар сылгы Дьөһөгөй Айыы оҕотунан биллэр. Ол эрээрии киһи барыта сылгыны ураты социальнай уонна чараас уйулҕалаах кыыл быһыытынан билбэт.

Режиссер Матрена Кашкина былырыын Дьокуускай куорат таһыгар ыам ыйыттан саҕалаан балаҕан ыйыгар диэри устубут «Жизнь в табуне» киинэтигэр сылгылар майгыларын, үөргэ сылдьыы быраабылаларын көрдөрөргө дьулуспут. Ол курдук, илим хотоҕоһунуу субуллар бэйэ-бэйэлэригэр майгыннаһар күннэргэ сылгы үөрүгэр саҥаттан саҥа хатыламмат түбэлтэлэр тахсаллар. Режиссер ону Марина Макарова суруйбут тиэкиһин, Любовь Христофорова ааҕыытын, Баттаховтар дьиэ кэргэн ырыаларын көмөтүнэн быһаарарга холонор.

Киинэ кэнниттэн ааптардары кытта көрсөн кэпсэтэр кыах баар. Киириитэ босхо.