Хомсомуол болуоссатыгар балык дьаарбаҥкатыгар ыҥыраллар

Бу өрөбүллэргэ, алтынньы 25-27 күннэригэр, Хомсомуол болуоссатыгар үгэс буолбут «Рыба Якутии» быыстапка-дьаарбаҥкаҕа ыҥыраллар.
СӨ тыа хаһаайыстыбатын министиэристибэтигэр иһитиннэрэллэринэн, быйыл Булуҥ, Усуйаана, Аллайыаха, Аллараа Халыма, Кэбээйи улуустарыттан балык бородууксуйатынан дьарыктанар уонтан тахса кооператив, община кыттарга бэлэм. Быйылгы быыстапка-дьаарбаҥка биир уратытынан хаһааҥҥытааҕар даҕаны элбэх кыһыллар балыгы атыылыыр былааннаахтара буолар. Оттон тоҥ балык атыытыттан киирэр үбү анал байыаннай дьайыыга ыытарга быһаарбыттар.
Атыы-тутуу дьаарбаҥката үс күн устата сарсыарда 10:00 чаастан киэһэ 17:00 чааска диэри үлэлиэҕэ. 
Сибиэһэй, олохтоох бородууксуйаны атыылаһар үтүө түгэни мүлчү тутумаҥ.