22.09.2021 | 13:00

Жатайдааҕы судоверфь үлэҕэ киирэрэ тохтотулунна

Жатайдааҕы судоверфь үлэҕэ киирэрэ тохтотулунна
Ааптар: Киин Куорат

"Хаҥалас" ТОРга киирсибит Жатайдааҕы судоверфь үлэҕэ киириитэ 2022 сылга көстө. Сүрүн биричиинэтинэн, билэрбит курдук, тохсунньу ый ураты тымныытынан уонна коронавирус хааччахтарынан сибээстээн тутуу тэтимэ бытаарбыт.
Инники былаанынан судоверфь бастакы суудунаны быйыл ахсынньы ыйга оҥорон түһэриэхтээх этэ, ол биир сылынан сыҕарыйан биэрдэ. Ол туһунан Санкт-Петербурга ыытыллыбыт «XVI TRANSTEC» диэн Норуоттар икки ардыларынааҕы тырааныспар көрүдүөрүн сайыннарар  тэрээһиҥҥэ өрөспүүбүлүкэ тырааныспарга уонна суол хаһаайыстыбатыгар миниистирэ Владимир Сивцев эппитэ. 
"2022 сыл ортотугар үлэҕэ киллэриэхпит диэтибит. Тутуу хаамыытыгар быйыл тохсунньу олус тымныы буолбута уонна коронавирус хааччахтара мэһэйдээтилэр. Онон Минпромторы кытта болдьоҕун сыҕарытар курдук кэпсэппиппит. Бастакы суудунаны эһиил тутан түһэриэхпит", – диэн эппит миниистир. 
Билигин верфэ дьиэтэ тутуллан бүтэн эрэр. Улахан тымныы түһүөр диэри эбийиэк итиини тутарын курдук үлэлэр оҥоһуллаллар, ис инфраструктурата сүрүннээн бүппүт, канализацияны киллэрии хаалбыт.
Жатайдааҕы судоверфь силигэ ситтэҕинэ манна суудуналар тутуллар, өрөмүөннэнэр буолаллар.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...