Кэлэр сыл тугу кэрэһэлиир

Бараан

Карьера

Карьера эйгэтигэр бу бэлиэ бэрэстэбиитэллэрэ кэллиэгэлэрин, салайааччыларын уонна биисинэскэ партнердарын угаайыларыгар, минньигэс тылларыгар киирэн биэриэхтэрин сөп. Ол эрэн үтүө сонуннар эмиэ бааллар. Үлэ-хамнас боппуруоһа сылы эргиччи сыыйа-баайа тупсуо, үөһэ дабайан иһиэххит.

Үп-харчы

Харчы боппуруоһугар барааннарга карьераҕыт туһунан суруйбуппут хатыланар курдук. Ол да буоллар, төһө да ыарахаттар баалларын, барытын быраҕан барыаҕы баҕараргыт үрдүнэн, сыл тухары барыта бигэ туруктаах, ону ааһан дохуот киириитэ баар буолуо. Маныаха эһиги сүрүн үлэҕитигэр актыыбынай буолуҥ – бу сылга толоругас уонна эппиэтинэстээх үлэһиккитин көрдөрүҥ.

Доруобуйа

2025 сылга доруобуйаҕыт туруга бөҕө, санааргыыр төрүөт суох. Билигин ыалдьа сылдьар барааннар кэлэр сылга үтүөрэр аатыгар барыахтара, өскөтүн быраас тугу суруйбутун барытын тутустаххытына. Оттон ыараханнык ыалдьыбыттарга сөптөөх көмө олус суһаллык кэмигэр кэлиэҕэ диэн сулустар эрэннэрэллэр.

Оҕусчаан  

Карьера

Оҕус бэлиэлээхтэр бэйэлэрин чаҕылхайдык, актыыбынайдык көрдөрүөхтээхтэр. Ханнык да түгэҥҥэ туруоруммут сыалгытыгар тугу да быраҕан туран кытааанахтык ылсарга сүбэлииллэр. Оччотугар ситиһии эһиги диэки хайыһыа, ханнык баҕарар кылгас бырайыактары ылсыаххыт. Оттон сындалҕаннаах, уһун-синньигэс бырайыактар, былааннар эһиэннэрэ буолбатахтар диэн сулустар этэллэр.

Үп-харчы

Бука бары оҕусчааннары үп-харчы эйгэтигэр улахан эбиллии күүппэт. Ол быыһыгар таҥнары да түһүү суох, барыта биир кэм, биир тэҥ. Оттон атын быраабыланан, атын суолунан бардаххытына, олох да мэлийиэххитин сөп. Уопсайынан, төбөҕүтүн күүскэ үлэлэттэххитинэ, дохуоккут үллэн, үп киириитэ элбээн барыа.

Доруобуйа

Бу бэлиэ бэрэстэбиитэллэрэ доруобуйаларыгар улахан үҥсэргииллэрэ суох. Икки эрэ сүбэ бэриллэр: бэйэҕитин аһара ноҕоруускалаамаҥ уонна аһыы утаҕынан үлүһүйүмэҥ, чөл олоҕу тутуһуҥ диэн.

Игирэлэр  

Карьера

Карьераҕыт сайдыыта 2025 сылга бытаарыан син. Сорох бырайыактарга уонна идэҕитинэн салааҕа барыта чыпчаалыгар тиийиэ, ол кэннэ салгыы ханнык хайысхаҕа сайдабыт диэн боппуруос туруон сөп. Кэлэр сылга киирэр иһитиннэриигэ барытыгар болҕомтолоох буолуҥ – кини карьераҕытын салгыы хайдах сайыннарарга көмөлөһүө.

Үп-харчы

Харчы хайдах эрэ ыараханнык кэлэр дуу дии саныаххыт, ол аата тугу эрэ улартыахха наада буолуо. Онон бу сылга дохуоккутун үлүннэрэр инниттэн сөптөөх хайысханы булан, онно тохтоотоххутуна, дьэ, чахчы, үп-харчы үрүйэлии субуллуо.

Доруобуйа

Оттон доруобуйаҕыт бу сылга олох кэбириэ суоҕа. Маныаха чугас да, ыраах да айаннар, актыыбынай олох уонна күн, халлаан – ханна да сырыттаргыт, ону хаба сырыттаххытына, төһүү буолуохтара.

Араак

Карьера

Карьераҕа Араак бэлиэлээхтэр икки суолга болҕомтоҕутун ууруҥ: хамаанданан элбэҕи үлэлээҥ уонна бэйэни сайыннарыы боппуруоһунан дьарыктаныҥ.  Чуолаан бу икки пуун идэлээх эйгэҕэр ситиһиини аҕалыахтара.

Үп-харчы

Үп боппуруоһугар араактарга дьиэ кэргэн уонна айан быһаччы сабыдыаллыахтара. Ол эбэтэр эһиэхэ дьиэ кэргэн биисинэһин саҕалыырга уонна онно киирэн хааларга эбэтэр аймахтаргыт нөҥүө балачча дохуот ыларга төрүөт баар буолуо. Бииртэн сэрэниэххитин наада дииллэр – туох баар быһыыны-майгыны чөл өйгүтүнэн, сибиэһэй толкуйгутунан көрүҥ, оруосабай ачыкы нөҥүө буолбакка.

Доруобуйа

2025 сылга үгүс бэлиэлээхтэргэ кытаанах доруобуйаны мэктиэлииллэр, ол быыһыгар араактарга эмиэ, оттон кыратык ыалдьар, дьаҥныыр түгэҥҥитигэр, сөптөөх уонна хаачыстыбалаах көмө кэмигэр кэлиэҕэ. Онон туох да буортуну бэйэҕэ оҥорбот наадаттан, быраас сүбэтин тутуһуҥ.

Хахай

Карьера

Бу сылга Хахай бэлиэлээхтэри өрө дабайыы, өрө тахсыы күүтэр. Маны таһынан, сулустар сыалгытын толорорго атын дьон санаатын, тылын истимэҥ дииллэр. Ол да буоллар дьон үрдүнэн сылдьыы үчүгэйгэ тиэрдибэтин билиэхтээххит.

Үп-харчы

Үпкүт, дохуоккут барыта үлэлиир эйгэҕититтэн киириэҕэ. Карьераҕа өрө тахсыыгыт дохуоккутун элбэтиэ. Онон туохтан да долгуйаргыт, уолуйаргыт наадата суох. Оттон харчыгыт кэлбитин курдук түргэнник барбатын туһугар, үбү-харчыны сөптөөхтүк туттуу кууруһугар сылдьаргыт наада диэн сулустар сүбэлииллэр.

Доруобуйа

Хахайдар доруобуйалара 2025 сылга балачча кытаанах, чэгиэн буолуо. Онон кыра тымныйыыттан, тумууттан эрэ сэрэниэххитин наада.

Кыыс Куо

Карьера

Быһыы-майгы икки аҥы хайдар. Биир өттүнэн, олус элбэх ситиһиилээх дьыалалары оҥоруоҥ, өскөтүн онно ураты көрүүнэн кииристэххинэ. Иккис өттүнэн, үлэҕэр кэллиэгэлэриҥ өттүттэн сыыһа-халты хардыылар баар буолуохтарын сөп, бу эн карьераҕа дабайаргар мэһэйдэри үөскэтиэ. Онон барытыгар болҕомтолоох буол, киирэр этиилэри ыараҥнатан көрөн баран ылын.

Үп-харчы

Төһө да кэллиэгэлэри кытта сатаспат түгэннэр таҕысталлар, 2025 сылга үп-харчы боппуруоһа эриэ-дэхси буолуоҕа. Манна кинилэр бэйэлэригэр эрэллээхтэр, харчылара элбэх, онон кэппиэйкэни ааҕыахтара суоҕа, баҕаралларын ылыныахтара, туттуохтара. Онон харчыгытын кэлэр сылга харыстыаххыт суоҕа.

Доруобуйа

Доруобуйаларын туруга этэҥҥэ, үҥсэргээбэттэр. Ол эрэн сорохтор наһаа эмсэлэр, онон ыарыыны бэйэлэрэ булуохтарын, диагноз туруорунуохтарын сөп. Маны таһынан сулустар аһыы утахтан аккаастанаргытыгар сүбэлииллэр.

Ыйааһыннар

Карьера

Ыйааһыннар карьералара өрө тахсар, барыта үчүгэй. Ситиһии сүрүн төрүөтэ – элбэхтэ кэпсэтии. Төһөнөн элбэхтэ кэпсэтэҕит уонна элбэх билсиһиини олохтуугут да, соччонон үлэҕэ үрдүк ситиһии күүтүө. Ол эрэн биир сэрэтии баар: барытын сокуон иһинэн сырыт.

Үп-харчы

Барыта этэҥҥэ, бигэ туруктаах, өрө тахсыы да, таҥнары түһүү да суох. Үгүс ыйааһыннар дохуот киллэрэр туһунан элбэҕи толкуйдуохтара, ол гынан баран 2027 сылга биирдэ хамсааһын тахсыаҕа. Үтүө сонун: Ыйааһын бэлиэлээхтэр лотереяҕа сүүйүөхтэрин уонна соһуччу харчынан бэлэх ылыахтарын сөп.

Доруобуйа

Доруобуйаҕыт бу сылга бөҕө-таҕа буолара күүтүллэр. 2025 сылга атын да бэлиэлээхтэр чэгиэн сылдьыахтара. Ол быыһыгар аһыы утаҕынан аһара үлүһүйүмэҥ диэн сулустар сэрэтэллэр. Атына барыта үчүгэй. Оттон билигин ыалдьа сылдьааччылар 2025 сылга доруобуйалара тупсар аатыгар барыа.

Ооҕуй

Карьера

Бу сылга карьераҕа тохтобул бэриллэр. Онон улахан дабайыыны, өрө тахсыыны күүтүмэҥ. Атын өттүнэн, эн бэйэҕин сатабыллаах салайааччы быһыытынан көрдөрүөҥ, бу инникитин идэлээх эйгэҕэр аптарытыаккын бөҕөргөтүө.

Үп-харчы

Харчыларын халыҥатар инниттэн Ооҕуй бэлиэлээхтэр сүрүн соруктары туруоруохтарын уонна тугу барытын быраҕан туран сыалларын ситиһиэхтэрин наада. Маны таһынан, бу суолга эһиги бары ньыманы туһаныаххыт, сөптөөх хамсаныылары оҥоруоххут.

Доруобуйа

2025 сыл ооҕуйдарга бигэ доруобуйаны эрэннэрэр. Ол эрээри сорохтор туруктарыгар наһаа чэпчэкитик сыһыаннаһыахтара, онон кыһалҕаны бэйэлэрэ ыҥыран ылыахтарын сөп. Онон сылы быһа харыстана сылдьаргыт наада.

Охчут

Карьера

Карьераҕыт бигэ туруктаах, инникилээх. Ол эрэн үлэҕитин уларытыаххытын баҕарыаххыт, онтугут, төттөрүтүн, дохуоккутун аччатыан, ону тэҥэ үлэтэ да суох хаалларыан сөп. Онон бу боппуруоска сэрэхтээхтик сыһыаннаһыҥ. Маны таһынан урукку үлэ биэрээччилэргититтэн киирбит этиилэргэ болҕомтоҕутун хатааҥ – ситиһиилээх буолуохтарын сөп.

Үп-харчы

Сыл саҥатыгар үп-харчы этэҥҥэ. Ол эрэн сорохтор 2025 сылга толкуйа суох хардыылары оҥорон кэбиһэн дохуоттарын аччатыахтарын сөп. Ол да буоллар санааҕытын түһэримэҥ, барытын санаа хоту оҥорон истэххитинэ, аһа, дьиэтэ-уота суох хаалыаххыт суоҕа.

Доруобуйа

Доруобуйаҕыт этэҥҥэ, атын бэлиэ бэрэстэбиитэллэрин курдук. Арай аһыы утаҕы элбэттэххитинэ, доҕолоҥнуоххутун сөп. Ону таһынан ньиэрбэҕитин харыстааҥ – “туох баар ыарыы ньиэрбэттэн” диэн этии бу кэмҥэ кырдьыктаах. 

Чубуку

Карьера

Карьераҕар соһуччу уонна түмүктээх уларыйыылар күүтэллэр. Ол ситиһии төрдө кэпсэтиилэри сатаан ыытарга, сибээстэри бөҕөргөтөргө уонна сөптөөх түмүктэри оҥорорго сытар.

Үп-харчы

Карьераҕытыгар уларыйыы үпкэ-харчыга эмиэ уларыйыылары аҕалыа. Чуолкайдаан эттэххэ, бу эйгэҕэ үрдээһин күүтэр. Үөһэ эппиппит курдук, бу чуолаан үрдүк өһүөлээх салалтаны уонна дьыалабыай партнердары кытта сөптөөх кэпсэтиилэри ыытартан, сибээһи олохтууртан тутулуктаах.

Доруобуйа

Доруобуйаҕыт, эмиэ атыттар курдук, бөҕө, кытаанах буолуоҕа. Сулустартан биир сэрэтии – сөптөөх эмтэниини тутуһуҥ, өскөтүн ыарыйдаххытына, уһаппакка-кэҥэппэккэ тута бырааска көрдөрөн иһиҥ.

Күрүлгэн

Карьера

Күрүлгэннэри карьераҕа ситиһии күүтэр. Кинилэр атахтарыгар бигэтик туруохтара уонна туруоруммут сыалларыгар сөпкө айанныахтара. Маныаха кинилэргэ чуолкай былаан уонна эбии үөрэх наада, бу барытын ситиһэргэ көмөлөһүө.

Үп-харчы

Карьераҕытыгар ситиһии үгүс күрүлгэннэргэ үбү-харчыны, дохуоту киллэриэ. Ол да буоллар сулустар барытыгар бэлэм сылдьаргытыгар сүбэлииллэр, тоҕо диэтэххэ кэлэр сылга дьыалабыай партнердаргыт эбэтэр массыанньыктар албыннарыгар киириэххитин сөп.

Доруобуйа

Доруобуйаҕыт туруга кэлэр сылга бөҕө-таҕа. Сулустар сүбэлэрин истиҥ: норуот ньыматын эҥин тутуһа сылдьымаҥ, быраастар сүбэлэринэн барыҥ, билигин эһиэхэ атын эйгэни боруобалаан көрөр кэм буолбатах.

Балыктар

Карьера

Дьиэ кэргэнинэн бырайыактар түмүгү тута биэриэхтэрэ суоҕа. Онон 2025 сылга бэйэҥ үлэлии сылдьар сиргиттэн баран хаалыма. Кэлэр сылга балыктары ханнык да ыарахантан чаҕыйбакка, баран иһэр суолгутуттан туораамаҥ диэн сүбэлииллэр.

Үп-харчы

Үп өттүгэр үгүс балыктар ньиэрбинэйдиэхтэрин сөп. Ол да буоллар онно сөптөөх биричиинэ суох. Харчыгытын хаһааныҥ, наада буолар түгэнигэр туттаргытыгар баар буолар гына.

Доруобуйа

Доруобуйаҕыт 2025 сылга Балык бэлиэлээхтэри түһэн биэриэн сөп. Онуоха олус элбэх ноҕоруускаҕыт, барытын бэйэҕит санныгытыгар сүгэ сылдьаргыт биричиинэ буолаллар. Онон кэмигэр сынньалаҥна ылыҥ, бэйэҕитин атаҕастаамаҥ, көрүнэ сылдьыҥ диэн сүбэлииллэр.