Дьокуускай куоракка сонун спартакиада баар буолла

Маассабай спорду, нэһилиэнньэҕэ чөл олоҕу тарҕатар уонна олохсутар сыаллаах спорт саҥа бырааһынньыга Дьокуускай куоракка «Биир ньыгыл Арассыыйа» партия чилиэннэрин уонна өйөөччүлэрин ортотугар ыытылынна.
Маннык хабааннаах маҥнайгы спартакиаданы үөрүүлээхтик арыйыыга куорат баһылыга Евгений Григорьев сөптөөх уонна кырдьыктаах санаалар тула түмсэн сомоҕолоһууттан ыччаты итииттэн саҕалаан элбэх тутулуктааҕын бэлиэтээтэ уонна спартакиада, үтүө үгэскэ кубулуйан, сылын аайы ыытылларыгар баҕа санаатын биллэрдэ.

Бэлиэтээн эттэххэ, спартакиада спорт түөрт көрүҥэр ыытыллар: дартс, хабылык уонна хаамыска, «Көрдөөх стартар» уонна канааты тардыы. Тэрийээччилэр бэлиэтииллэринэн, спорт чуолаан бу көрүҥнэрэ хамаанда биир санааҕа кэллэҕинэ, биир сомоҕо буоллаҕына эрэ кыайыыны ситиһэрин көрдөрөллөр.
Күрэхтэһиилэргэ Автодорожнай, Гагаринскай, Губинскай, Промышленнай, Сайсары, Строительнай уокуруктар уонна Марха, Пригороднай, Табаҕа, Хатас бөһүөлэктэрэ кытталлар, диэн иһитиннэрэр Олохтоох дьаһалта пресс-сулууспата.