46 сылаас тохтобулу барытын хонтуруолга туталлар

Оптуобус сылаас тохтобулларын сарсыарда арыйыынан уонна киэһэ хатааһынынан Дьокуускай куораттааҕы пааркалар уонна уопсастыбаннай туоналар дирекциялара дьарыктанар. 
Тэрилтэ салайааччыта Иван Белолюскай иһитиннэрбитинэн, өрөбүл киэһэ Гагарин уокуругар сылаас тохтобулга вандаллар алдьаппыт ааннарын бүгүн сарсыарда номнуо өрөмүөннээбиттэр.
«Дьокуускай куоракка баар 46 сылаас тохтобулу барытын хонтуруолга тутабыт. Ол курдук, сарсыарда 7 чааска арыйабыт уонна киэһэ 23 чааска хатыыбыт. Гагарин оройуонугар баар сылаас тохтобул иһинээҕи аана алдьаммытын өрөбүл киэһэ көрбүппүт. Куорат олохтоохторун бары туһанар дьиэбитигэр-уоппутугар харыстабыллаахтык сыһыаннаһарга ыҥырабыт, - диир Иван Белолюбскай.
Санатар буоллахха, буруйу оҥорооччу кэтээн көрүү камератыгар киирбит. Онон сотору кэминэн эппиэтинискэ тардыллыаҕа, диэн иһитиннэрэр Олохтоох дьаһалта пресс-сулууспата. 
#ПРОАвтобус
#Якутск
#ГородскойТранспорт