Олохтоох бэйэни салайыныы реформатын туһунан сокуону көрүү 2025 сылга көстө

Госдуума олохтоох бэйэни салайыныы реформатын туһунан сокуон барылын көрүүнү 2025 сылга көһөрдө. 
Судаарыстыбаннай Дуума бэрэссэдээтэлэ Вячеслав Володин бэлиэтээбитинэн, киирбит этиилэри уонна көннөрүүлэри учуоттаан, дьокутааттар сокуону салгыы үөрэтэр наадатын ыйбыттар. «Онон сокуон барылын эһиилги сылга көһөрөр туһунан быһаарыы ылылынна», — диэн чопчулуур Госдуума бэрэссэдээтэлэ, диэн иһитиннэрэр Арассыыйа судаарыстыбаннай дууматын саайта:  http://duma.gov.ru/news/60566/. 
СӨ Ил Түмэнин олохтоох салайыныы боппуруостарыгар сис кэмитиэтин бэрэссэдээтэлэ Владимир Прокопьев Ил Түмэн саайтыгар интервьютугар «бүгүҥҥү туругунан бастакы ааҕыы кэнниттэн бэлэмнэммит сокуон барылыгар биһиги этиилэрбит улахан аҥардара – 5-6  көннөрүү учуоттанан ылыллан турар» диэн иһитиннэрбитэ (https://iltumen.ru/news/26078).