1 тыһыынчаҕа тиийэ кэтээн көрүү камерата ыйаныаҕа

Ахсынньы 17 күнүгэр “Россия 24” тэлэбиидэнньэ ханаалын “Куораты кытта быһа эпиир” биэриитигэр Дьокуускай куорат баһылыга Евгений Григорьев 2025 сылга кэтээн көрүү камератын ахсаанын 1 тыһыынчаҕа диэри элбэтэр былаан баарын иһитиннэрдэ. 
«Куттала суол куорат» муниципальнай бырагырааманан Дьокуускай үрдүнэн бүгүн 470 кэтээн көрүү камерата үлэлиир, оттон икки сыллааҕыта баара-суоҕа 130-140 эрэ камера баара. Онон 2025 сылга ити ахсааны 1000-ҕа тиийэ элбэтии - улахан хардыы буолуоҕа», - диэтэ Евгений Григорьев.
Ол курдук, баһылык иһитиннэрбитинэн, камеранан кэтээн көрүү ситимэ «Ростелеком» хампаанньаны кытта үлэ уонна Macroscop платформа баазатыгар куорат бэйэтин бырайыагын көмөлөрүнэн ситиһиллэр. 
Евгений Григорьев бэлиэтээбитинэн, саҥа камералары бастатан туран бөх мустар сирдэригэр туруоруллуохтара. Маны сэргэ кэтээн көрүү камералара уулусса-суол ситимин ыарахан уйуктаах тиэхиньикэттэн харыстыахтара. Саататар-аралдьытар тэрилтэлэр тастарыгар куттал суох буолуутун хааччыйыыга эмиэ үлэлиэхтэрэ, диэн иһитиннэрэр Олохтоох дьаһалта пресс-сулууспата.