100 бастыҥ үөрэнээччи Куорат баһылыгын стипендиятын тутта

Бэҕэһээ, ахсынньы 25 күнүгэр, Ю.А. Гагарин аатынан аныгы култуура уонна искусство киинигэр үгэс буолбут Куорат баһылыгын харыйатыгар Евгений Григорьев 100 бастыҥ үөрэнээччигэ стипендиялары туттарда. 
44 үөрэнээччи үөрэххэ, Арассыыйа, өрөспүүбүлүкэ, норуоттар икки ардыларынааҕы таһымнаах олимпиадаларга, научнай-практическай конференцяларга уһулуччу көрдөрүүтүн иһин наҕараадаланна, 29 үөрэнээччи – спорка ситиһиитин иһин, 10 үөрэнээччи – айар дьоҕурун, 17 – уопсастыбаннай үлэтинэн.
Баһылык Евгений Григорьев «Движение первых», «Юнармия» оҕолоругар, Куорат баһылыгын иһинэн оҕо сэбиэтин чилиэннэригэр, бастыҥнары бэлэмнээбит учууталларга, уһуйааччыларга махталын биллэрдэ.
Үөрүүлээх тэрээһиҥҥэ Куорат мунньаҕын бэрэссэдээтэлин солбуйааччы Евдокия Евсикова, куорат баһылыгын солбуйааччы Владимир Аржаков, үөрэх управлениетын начаалынньыга Мария Петрова уонна Култуура управлениетын начаалынньыга Индира Ли кыттыыны ыллылар, диэн Олохтоох дьаһалта пресс-сулууспата иһитиннэрэр.