09.04.2022 | 17:00

Ыйытыы-хоруй

Ыйытыы-хоруй
Ааптар: Киин Куорат
Бөлөххө киир

Гражданин суукка мөккүөрү кыайар. Салгыы кини тугу гынар?

Өскөтүн иэс кээмэйэ 100 тыһ. солк. диэри буоллаҕына, суут уурааҕын ыйдааҕы төлөбүрдэрин ылар тэрилтэтигэр (үлэлиир тэрилтэтэ, биэнсийэ пуондата) эбэтэр бааҥҥа быһалыы биэрэр бырааптаах.

Оттон төлөбүрү булгуччу толорторорго, суут быһаарыылаах докумуону,  сайабылыанньаны, реквизиттэри иэстээх тэрилтэ регистрациялаах суут бириистэптэрин отделениетыгар ыытыллар. Ол эбэтэр иэстээх киһи ханна регистрациялаах даҕаны, докумуон оригинала почтанан онно ыытыллар.

Толорору ирдиир докумуон ситэ өйдөммөт, чуолкайа суох өрүттэрдээх түгэнигэр, иэстээх киһи, иэһи ирдэһээччи, суут бириистэбэ ол туһунан докумуону биэрбит сууттан, атын даҕаны уоргантан эбэтэр дуоһунастаах сирэйтэн сиһилии быһааран биэрэллэрин көрдөһөр бырааптаах.

 

Бааҥҥа счекка бобуу турбут буоллаҕына, булгуччу суут бириистэбэ боппут диэн буолбатах дуо?

Оннук. Өскөтүн счетуҥ тутуллубут, бобуу турбут эбэтэр счеккуттан биллибэт биричиинэнэн харчы уһуллубут буоллаҕына, бастатан туран, r14.fssprus.ru суут бириистэптэрин официальнай сайтарыгар киирэн, "Банк данных исполнительных производств" сервис көмөтүнэн иэс баарын-суоҕун бэрэбиэркэлиэххэ наада. Сервис эһиги ааккытыгар иэс көстүбэтэ диэн таһаардаҕына, счеттаах бааҥҥар эрийэн, счекка хантан ирдэбил түспүтүн туһунан информация ылыахха наада. Маннык ыспыраапка ирдэбил туһунан толору информацияны көрдөрөр.

 

Толоруулаах докумуону ханнык болдьох устатыгар көрдөрүөххэ сөбүй?

Манна кэккэ уратылардаах. Ол курдук, суут акталарыгар олоҕуран бэриллэр толоруулаах докумуону суут актата күүһүгэр киириэҕиттэн үс сыл устата биэриэххэ сөп, оттон суут бирикээһин – бэриллибит күнүттэн саҕалаан үс сыл устата. Болдьоҕо ааспыт докумуон суут эрэ бэрээдэгинэн чөлүгэр түһэриллэр. Аны туран, алимент төлүүр туһунан быһаарыыны уураахтаммыт болдьох устатыгар, ону тэҥэ болдьох бүппүтэ үс сыл устата биэриэххэ сөп.

 

Толоруулаах производство хаамыыта туох ирдэбиллээҕий?

Ханнык баҕар быһаарыы хаамыытын Судаарыстыбаннай өҥө биир кэлим порталын нөҥүө ыйыталаһыахха сөп. Оттон Тус кабинекка сурутууну оҥортордоххо, суут бириистэбэ ханна, туох суруктарын ыыппытын, туох уураах тахсыбытын туһунан иһитиннэриини барытын ылар кыах баар. Ону таһынан порталга сайабылыанньа, ыҥырыы, көрдөһүү, үҥсүү ыытар өҥө баар.

 

Судаарыстыба уорганыгар ыытыллыбыт сурук ханнык болдьоххо көрүллүөхтээҕий?

Судаарыстыбаннай уоргаҥҥа киирбит сурук регистрацияламмыт күнүттэн саҕалаан уһаабыта 30 хонук устата көрүллэр.

 

Сайабылыанньаны хайдах ыытыахха сөбүй?

Тус бэйэҕинэн эбэтэр интэриниэт нөҥүө ФССП официальнай сайтыгар «Саха Өрөспүүбүлүкэтэ» региону уонна тустаах суут бириистэптэрин салаатын ыйан. Оннук түбэлтэҕэ хоруй бэйэҕит ыйбыт электроннай почтаҕытыгар сөптөөх болдьоххо кэлэр. Итиэннэ сайабылыанньаны Судаарыстыбаннай өҥө порталын нөҥүө ыытыахха сөп.

 

Иэһи төһө кэм иһигэр төлүөххэ нааданый?

Өскөтүн дьыала номнуо көбүтүллэн, иэстээх киһиэхэ тус кабинетыгар, смс, эбэтэр автообзвон нөҥүө иһитиннэрии кэллэҕинэ, баҕа өттүнэн толорорго 5 күннээх болдьох бэриллэр.

Манна эбии төлөбүр, хамыыһыйа туһунан этэр тоҕоостоох. Бу төлөбүр кээмэйэ иэс кээмэйин сэттэ бырыһыаныгар, ол гынан баран иэстээх гражданинтан биир тыһыынчаттан, предпринимательтан уон тыһыынчаттан итэҕэһэ суох буолуохтаах. Онон бу хамыыһыйа кээмэйэ 200 солк. буолуон сөп, оттон иэс 5 хонуктаах болдьоххо төлөммөтөх түгэнигэр, уопсай суумата 1200 солк. буолуоҕа.

 

Ханнык түгэҥҥэ суут бириистэбэ Арассыыйа тас өттүгэр тахсыыны хааччахтыыр кыахтааҕый?

Өскөтүн иэһиҥ кээмэйэ 30 000 солк. уонна онтон ордук, итиэннэ баҕа өттүнэн төлүүр болдьох ааспыта икки ыйа туолан, толоруулаах докумуонунан иэс суумата 10 000 солк. куоһарар буоллаҕына. Маны сэргэ иэс алимент төлөбүрэ, киһи доруобуйатын эчэтии ороскуотун толуйуу о.д.а. буоллаҕына.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...