07.11.2020 | 17:58

ЫСТАРААП ЫТАРЧАТЫГАР КИИРЭН БИЭРИМЭҤ!

ЫСТАРААП ЫТАРЧАТЫГАР КИИРЭН БИЭРИМЭҤ!
Ааптар: Киин Куорат

Сэлии муоһа – 1 мөл. солк.

Саха сирин промышленнаска уонна геологияҕа министиэристибэтин Геология уонна лицензирование департамена иһитиннэрэринэн, Саха сиригэр лицензията суох сэлии муоһун хомуйбут дьон 1 мөл. солк. тиийэ ыстараапка тардыллыахтара эбэтэр  6 ыйга хаайыыга барыахтара.

Маннык сокуон айылҕаҕа, палеонтология наукатыгар уонна өрөспүүбүлүкэ бүддьүөтүгэр улахан хоромньуну аҕалыыттан оҥоһулунна. Ордук хоту улуустарга үгүс киһи көҥүлэ суох сэлии муоһун сир анныттан хостооһуҥҥа үлэлиирин иһин хонтуруоллуур каадырдар тэриллиэхтэрэ. 

Албыннаан босуобуйа ылбыттар

Дьарыктаах буолуу киинигэр, үлэлээх эрээри, үлэтэ суохпут диэн учуокка туран, босуобуйа ыла сылдьыбыт дьону быһаардылар.

Үлэтэ суохтар учуоттарыгар туран баран үлэлии сылдьар эрээри, ол туһунан киин үлэһиттэрин сэрэппэккэ, босхо босуобуйаны туһана сылдьыы иһин хоромньу 561 тыһыынчаҕа тэҥнэспит. 167 тыһыынча солкуобайы дьон бэйэлэрэ  төннөрбүттэр.

Маннык сымыйалааһын иһин, Арассыыйа Федерациятын нэһилиэнньэ дьарыктаах буолуутун туһунан 35 сокуон 2 ыст. олоҕуран, босуобуйаны туһаммыт киһи харчытын барытын төннөрүөхтээх. Харчыны төннөрөртөн аккаастанар түгэнигэр,  дьыала сокуону араҥаччылыыр уорганнарга тиэрдиллэр.

РФ Холуобунай кодексатын 159-2 ыстатыйатыгар «Төлөбүр ылыыга түөкүннээһин»  иһин 120 тыһыынчаҕа тиийэ ыстараап көрүллэр.

Мааска кэппэтэххинэ – 30 тыһ. солк.

Пандемия кэмигэр мааската суох оптуобуска киирии иһин 30 тыһыынчаҕа тиийэ ыстарааптаныахха сөп.

 Тырааныспар уонна суол хаһаайыстыбатын министиэристибэтэ иһитиннэрбитинэн, пандемия кэмигэр дьон тоҕуоруһар сирдэригэр, автовокзалга, атыы-эргиэн кииннэригэр, оптуобуска мааската суох киирии иһин ыстараап көрүллэр. Ыстараап физическэй сирэйтэн 1-30 тыһыынчаҕа, дуоһунастаахтарга 10-50 тыһыынчаҕа, предпринимателлэргэ уонна юридическай сирэйдэргэ 50-100 тыһыынчаҕа тиийиэн сөп.

Мааска кэтэргитин умнумаҥ!

Ыт – 5000 солк.

Сылгы – 3000 солк.

Дьокуускайга дьиэ кыылын  босхо ыытан кэбиһэр бобуулаах. 

Ыккытын босхо ыытан кэбиспиккит “самовыгул” дэнэр уонна сокуону кэһиигэ тэҥнэнэр, тутулуннаҕына – ыстараап. Администартивнай буруйу оҥоруу кодексатыгар ыт кутталлаах боруодатын наморднига уонна быата суох күүлэйдэтии иһин ыстараап – 3-5 тыһ. солк.

Бэйдиэ сылдьар сылгылар хаһаайыттара административнай эппиэтинэскэ тардыллан биир төбөттөн 3000 солкуобай ыстарааптаналлар.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.