19.05.2022 | 16:00

Ыам ыйын 21 күнэ — Ырыа күнэ

Ыам ыйын 21 күнэ — Ырыа күнэ
Ааптар: Киин Куорат

Ыам ыйын 21 күнүгэр Комсомольскай болуоссакка күнүс 14:00 чаастан 17:45 чааска диэри Саха Өрөспүүбүлүкэтигэр бэлиэтэнэр Ырыа күнүгэр аналлаах бырааһынньыктааҕы кэнсиэр буолар.

Үөрүүлээх тэрээһиҥҥэ Д.К. Сивцев-Суорун Омоллоон аатынан Судаарыстыбаннай опера уонна балет тыйаатыра, Г.М. Кривошапко аатынан СӨ Судаарыстыбаннай филармонията, «Туймаада» Судаарыстыбаннай ырыа ансаамбыла, А.Д. Макарова аатынан Дьокуускайдааҕы култуура уонна искусство колледжа, М.Н. Жирков аатынан Дьокуускайдааҕы музыкальнай колледж (училище) кыттыахтара.

Кэнсиэр бырагырааматыгар «Төрөөбүт дойду туһунан ырыа» (Алексей Тимофеев тыллара, Марк Жирков муусуката), «Сахам сирэ барахсан» (Иван Гоголев тыллара, Грант Григорян муусуката),  «Ырыа күнэ» (Христофор Горохов тыллара, Алексей Калининскай-Луҥха муусуката) уонна да атын өлбөт-сүппэт үйэлээх айымньылар киирдилэр.

Итини сэргэ  сыл ыам ыйын 21 күнүгэр Покровскай куоракка «Муус барыытын күнэ» бырааһынньык тэриллэр. Итиннэ Ю.Е. Платонов аатынан СӨ Судаарыстыбаннай эстрада тыйаатыра, «Туймаада» Судаарыстыбаннай вокальнай ансаамбыл, Марфа уонна Сергей Расторгуевтар ааттарынан СӨ Судаарыстыбаннай циркэтэ кыттыахтара.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.