30.12.2020 | 18:40

“Якутянин года-2020. Якутск”: 21 аат бигэргэннэ

“Якутянин года-2020. Якутск”: 21 аат бигэргэннэ
Ааптар: Киин Куорат

Оптуорунньукка куорат баһылыга Сардана Авксентьева сыл аайы ыытыллар “Якутянин года-2020. Якутск” уопсастыбаннай бириэмийэ номинаннарын кытта көрүстэ.

Быйыл 82 сайаапка киирдэ. Тэрийэр кэмитиэт чилиэннэрэ ону барытын сыныйан көрдүлэр. Ол түмүгэр 21 хандьыдаат аата бигэргэннэ.

Ол курдук, номинаннар истэригэр спортсменнар, тутааччылар, быраастар, волонтердар, ырыаһыттар, суруналыыстар уонна көхтөөх уопсастыбанньыктар бааллар. Бары тус-туспа суоллаах-иистээх, үлэлэригэр, дьыалаларыгар бэриниилээх, бииртэн биир чаҕылхай уонна талааннаах дьон.  

Киин куорат сайдыытыгар кылааттарын киллэрбит аныгы кэм дьоруойдарын быһаарар аналлаах бириэмийэ дьон-сэргэ билиниитин ылбыт олохтоохторго туттарыллар. Тэрийээччилэр – Ykt.ru портал, “Журфикс” сурунаал, “Воспитание – всем обществом” оҕону иитиигэ уонна эбии үөрэхтээһиҥҥэ гражданскай көҕүлээһиннэри өйүүр өрөспүүбүлүкэтээҕи уопсастыбаннай хамсааһын. Тэрийэр кэмитиэт бэрэссэдээтэлэ – Дьокуускай куорат баһылыга Сардана Авксентьева.

«340 тыһыынча куорат олохтооҕо баарыттан эһиги 21 бастыҥ ахсааныгар киирдигит. Бу бэйэтэ ситиһии уонна кыайыы, норуот дьиҥнээх билиниитэ», – диэн бэлиэтээтэ Сардана Авксентьева.

Быйыл “На страже здоровья” уонна “За сплочение поколений” диэн икки саҥа хайысха баар буолла.

Тохсунньу 11-27 күннэригэр Ykt.ru сайтка интэриниэт куоластааһын ыытыллар. 2021 сыл олунньу 2-4 күннэригэр тэрийэр кэмитиэт мунньаҕа буолар. Онно куоластааһын түмүгүнэн бириэмийэ лауреаттарын ааттара биллэр.

Куоластааһын түмүгүнэн 6 лауреат уонна саамай элбэх баалы ылбыт Гран-при хаһаайына быһаарыллар. Кыайыылаахтары 2021 сыл олунньу 5 күнүгэр наҕараадалыахтара.

Санатан аастахха, «Якутянин года – 2019. Якутск» кыайыылааҕынан профессор, социологическай наука дуоктара Ульяна Винокурова ааттаммыта.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...