07.09.2023 | 19:00

«Якутск 4.0.0 - 2023» форумҥа куорат маастар-былаанын дьүүллэстилэр

Киин куорат төрүттэммитэ 391 сылын көрсө ыытыллыбыт «Якутск 4.0.0 - 2023» форумҥа үөрэҕирии тула төгүрүк остуоллар, итиэннэ Дьокуускай маастар-былаанын дьүүллэһии тэрилиннилэр диэн Олохтоох дьаһалта пресс-сулууспата иһитиннэрдэ.
«Якутск 4.0.0 - 2023» форумҥа куорат маастар-былаанын дьүүллэстилэр
Ааптар: Киин Куорат
Бөлөххө киир

Бүгүн, балаҕан ыйын 7 күнүгэр, форум чэрчитинэн педагогическай наука доктора, профессор, СӨ бочуоттаах гражданина, М.К.Аммосов аатынан Хотугулуу-Илиҥҥи федеральнай университет Бэрэсидьиэнэ Евгения Михайлованы кытта көрсүһүү буолла. Көрсүһүүгэ оскуола иннинээҕи үөрэх тэрилтэлэрин салайааччылара, педагогтар бааллар. Евгения Исаевна, өрөспүүбүлүкэ экономиката кэнники биэс сыл иһигэр балысханнык сайдыбытын бэлиэтээн туран, киирбит ыйытыыларга хоруйдаата.

Салгыы маастар-кылааһы дьүүллэһэр балаһаакка үлэлээтэ. Дьүүллэһэр балаһаакка экспертэрэ – СӨ экономикатын миниистирэ Майя Данилова, куорат баһылыгын солбуйааччы Антон Алексеенко, М.К.Аммосов аатынан Хотугулуу-Илиҥҥи федеральнай университет инженернэй-техническэй институтун «Архитектура уонна куорат тутуута» кафедратын сэбиэдиссэйэ Николай Алексеев, куорат кылаабынай архитектора Семен Сергеев, «Главстрой» МХТ дириэктэрэ Алексей Варламов, СӨ НА геосистиэмэлэри этносоциальнай уонна этноэкономическэй чинчийии салаатын салайааччыта Ирина Самсонова, Олохтоох дьаһалта Экономикаҕа уонна стратегическай былааннааһыҥҥа департаменын начаалынньыга Любовь Кузьмина.

СӨ экономикатын миниистирэ Майя Данилова маастар-былаан Ил Дархан Айсен Николаев Дьокуускай 2032 сылга диэри социальнай-экономическэй сайдыытын туһунан Ыйааҕар олоҕуран оҥоһулунна диэн бэлиэтээтэ.

Куорат баһылыгын солбуйааччы Антон Алексеенко куорат уокуругун биир кэлим сайдыытын туһунан иһитиннэрдэ. М.К.Аммосов аатынан Хотугулуу-Илиҥҥи федеральнай университет инженернэй-техническэй институтун «Архитектура уонна куорат тутуута» кафедратын сэбиэдиссэйэ Николай Алексеев Дьокуускай тырааныспарын схемата Өлүөнэ өрүс муостата тутуутун кытта сибээстээх уратыларын сырдатта.

Форум кыттыылаахтара куорат дизайн-кодун, тутуу салаатын сүрүн түгэннэрин, маастар-былааны оҥорууга уопсастыбаннас кыттыытын дьүүллэстилэр.

«Якутск 4.0.0 - 2023» форум түмүктэрэ сарсын, балаҕан ыйын 8 күнүгэр тахсыахтара.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.