Уулуссалар өрөмүөннэрэ саҕаланна

Бүгүҥҥүттэн, ыам ыйын 6 күнүттэн, куорат уулуссаларын аспаалын өрөмүөнэ саҕаланна. Маныаха анаан быйыл хайа да сыллааҕар эрдэ аспаал оҥорор собуот үлэтин саҕалаата. 
Үгэс курдук уулусса аспаалын өрөмүөнэ сыллата Хабаров уулуссатын эргин сытар суоллартан саҕаланар. «Якутдорстрой» АУо бэҕэһээ алдьаммыт сирдэри эрбээн, ыраастаан бэлэмнээбитэ.
Куорат баһылыгын солбуйааччы Антон Алексеенко иһитиннэрбитинэн, быйыл, ыытыллыахтаах үлэ иэнэ элбэҕинэн, «Якутдорстрой» АУо сэргэ атын бэдэрээттээх тэрилтэлэр үлэлиэхтэрэ. Ол курдук, Сэбиэскэй Аармыйа 50 сыла, Ойуунускай, Богдан Чижик, Лермонтов уулуссаларыгар, Сэргэлээх шоссетыгар уо.д.а. эбийиэктэргэ холбоон 16.5 тыһ. кв/м иэннээх өрөмүөн ыытыллаары турар.