26.08.2023 | 10:00

Устудьуоннуур сылларгар кэмсиммит түгэннээххин дуо?

Араас сылларга үөрэммит дьон устудьуоннуур сылларыгар туруоруммут сыалларын ситиспэтэхтэрин элбэхтик истэр буоллум. Ол инниттэн номнуо үлэһит буолбут дьон ордук туохтан кэмсинэллэрин сурастыбыт.
Устудьуоннуур сылларгар кэмсиммит түгэннээххин дуо?
Ааптар: Айталина Софронова
Бөлөххө киир

Анастасия:

Хомойуох иһин, бастакы кууруска үөрэхпин наһаа ыарырҕатаммын,  уопсастыбаннай үлэҕэ олох кыттыбатаҕым. Син потенциаллаах соҕус этим ээ. Биһиги кэммитигэр университет уопсастыбаннай олоҕор кыттыбыт оҕолор билигин бары кэриэтэ биллэр-көстөр тэрилтэлэргэ таһаарыылаахтык үлэлии сылдьаллар. Өссө, биир кэмсинэрим диэн, тас дойдуга буор-босхо омук тылын үөрэтэ ыытылларыгар хат буолан  барбатаҕым.

Афанасий:

Устудьуоннуур уонна көҥүл босхо сылдьар кэммэр сири-дойдуну көрбөтөхпүттэн кэмсинэбин. Үөрэхпэр үчүгэй буоламмын, кистээбэккэ эттэхпинэ, бэйэтэ хамнас курдук истипиэндьийэлээх этим. Ол истипиэндьийэм барыта өрөбүл аайы «Европа», «Вегас» түүҥҥү кулууптарга кутулла турара. Ол кэриэтэ мунньаммын сири-дойдуну көрүөм эбитэ буолуо дии? Билигин барыахпын, үлэ ыыппат, уонна куруук бириэмэ ыгым.

Ирина:

Мин биир кэлим эксээмэним баала арыый намыһах буолан, баҕарбат үөрэхпэр киирбитим. Ол үөрэхпин бүтэрбитим. Арай оскуолаҕа кыһаллан үөрэммитим буоллар, билигин аан дойду экономикатын үөрэтэр киһи буолан, букатын атын сиргэ олохсуйбут буолуом этэ.  Бастакы куурус кэннэ төлөбүрдээх миэстэҕэ да көһүөххэ сөп этэ...

Сайаана:

Устудьуоннаабыт сылларбын билигин истиҥник саныыбын. Куруук үөрэх уонна уопсай икки ардыларынан сылдьарым. Дьиҥинэн, дьон-дьон курдук сэргэх соҕус олохтоох буолуом этэ буолуо ди? Биһиги саҕана устудьуоннар этэрээттэрэ, сэбиэттэрэ, идэлээх сойуустара наһаа да чаҕылхайдар этэ. Куруук кинилэргэ ымсыырарым. Мин университет актыыбынай олоҕор кыттыыны ылбатахпыттан хомойуох санаам кэлэр. Ол да буоллар үөрэхпэр үчүгэй буоламмын саҥа дьыл саҕана Москваҕа, Питергэ баран кэлбитим. Онон киһи кэмсэнэрэ оччо-бачча улахан буолбатах эбит.

Альберт:

— Биһиги саҕана билим күүскэ сайдан барбыта, оччолорго миэхэ ким эмэ өй-санаа укпута буоллар, билигин билим эйгэтигэр үлэлии-хамсыы сылдьар киһи буолуохтаах этим. Кыччаабыта, университекка уһуйааччы да буолуохтааҕым. Үөрэхпин бүтэрэрбэр кафедрам хааллара сатаабытын буолумматаҕым. Биллэн турар, билигин кэлэн кэмсинэбин.

Акулина:

Саамай кэмсинэрим диэн, устудьуоннуу сылдьаммын бырабааҕа үөрэммэтэхпин. Университет бэйэтин устудьуоннарын босхону эрэ үрдүнэн үөрэтэр этэ, мин онно тоҕо эрэ үөрэммэтэхпин. «Өйдөөх» кыргыттар 1-2 куурустарга «красавчик» уолаттары була охсон кэргэн тахсыбыттара, биһиги билиини сомсоору үөрэн да үөрэн. Аны кэлэн «акаарыбытыгар» эрэ диир буоллахпыт, хаалан баран сылдьабыт. Өссө даҕаны бириэмэ баар эрээри, дьон сирбит дьоно уонна номнуо арахсыбыт эр бэрдэрэ кимиэхэ наадаларый? Хастыы эмэ үөрэхтээх, дьиэлээх-уоттаах, үчүгэй үлэлээх кыргыттар кинилэри көрбөппүт да буоллаҕа.

Мария:

Мин устудьуоннуур сылларбар кыһаллан үөрэммэтэҕим. Билигин кэлэн барытын хаттаан үөрэтэ сатыыбын. Үчүгэйдик үөрэммитим  буоллар, баҕар, бүддьүөт миэстэтигэр кытта көһүөхтээҕим хааллаҕа. Билэр оҕолорум омук сиригэр стажировкаланан кэлбиттэрэ. Оттон мин олоҕум биир итинник бэлэҕин туһамматахпыттан хомойобун эрэ.

Эрэл:

Устудьуоннуур кэмнэрбэр бэйэм кистэлэҥ талааннарбын сайыннарбатахпыттан кэмсинэбин.  Эдэр сылдьан киһи саҥа таһымҥа тахсар. Холобур, ХИФУ - саамай актыыбынай дьоҥҥо сүрдээх үчүгэй балаһаакка. Университет, киһи личность быһыытынан олоххо тирэхтээх, бэйэтэ көрүүлээх буоларыгар бары салаалара бааллар. Мин, хомойуох иһин, бачча бэриллибит кыаҕы сөпкө туһамматахпын.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...