Уопсастыбаннай тырааныспар балаһыанньата тубуста

Куораттааҕы суол-тырааныспар сулууспатын салайааччыта Эдуард Садовников пассажирдары тиэйии билиҥҥи балаһыанньатын быһаарда.

Бүгүн, ахсынньы 18 күнүгэр, сарсыарда 08.00 чааска 16-с №-дээх маршрут линиятыгар  16 оптуобус таҕыста, 10-11 мүнүүтэ арыттаах сылдьаллар. Бу маршрукка график туолуута – 100%.

Атын маршруттары ылан көрөр буоллахха, сарсыарда 08.00 чааска график туолуута 88,2% тэҥнэстэ, ити көрдөрүү ааспыт нэдиэлэни кытта тэҥнээтэххэ 14% үрдүк.  

Ааспыт нэдиэлэҕэ чааһынай тиэйээччилэр графиктарын туолуута 80%-ҥа тиийбитэ.

Куорат кытыытыгар сылдьар оптуобустар туһунан этэр буоллахха, сарсыарда 08.00 чааска бары расписание быһыытынан үлэлии таҕыстылар.