14.11.2020 | 15:34

Умнуллубат сынньалаҥ күлүм түгэннэрэ

Умнуллубат сынньалаҥ күлүм түгэннэрэ
Ааптар: Киин Куорат
Бөлөххө киир

Оҕо (обургу оҕо) Киинэ Дьокуускай куорат үөрэнээччилэригэр көр-нар, күлүү-үөрүү, ырыа-тойук аргыстаах сынньалаҥы тэрийдэ. Дьарыктаах дьоҥҥо күн-дьыл биллибэккэ ааһар дииллэрэ кырдьык! Оҕолор ыллаан-туойан, ас астаан, үҥкүүлээн, уруһуйдаан умнуллубат сынньалаҥы атаардылар. 

Киин уһуйааччылара күн аайы социальнай ситимнэр нөҥүө дьоҕурдаах, көхтөөх оҕолорго бииртэн биир сэргэх куонкурустары, көрдөөх челленджтэри, билиэн-көрүөн баҕалаахтарга викториналары, тобуллаҕас толкуйдаахтарга өркөн өйү сытыылыыр оонньуулары иилээн-саҕалаан, көҕүлээн ыыттылар. Ол курдук, 7808 оҕо айар, спортивнай, чэбдигирдэр онлайн уонна оффлайн тэрээһиннэргэ үөрэ-көтө кытынна.

«Yakutian Voice» кавер куонкуруһа, «Кубик лего», «Биһиги циркэни таптыыбыт», «Олоҕу быыһыыр идэлэр» уруһуй күрэһэ, «Ийэбин кытта үҥкүүлүүбүн», «Тапталлаах ийэбэр ас астыыбын», «break’in’home» диэн челленджтэр, бастыҥ национальнай бүлүүдэҕэ видеоролик куонкуруһа, коспей, о.д.а. сэргэх тэрээһиннэр оҕолору түмэ тартылар.

Тэрийээччилэр, дьүүллүүр сүбэ үөрэнээччилэрин талба талааннарын көрдүлэр-иһиттилэр, айар-тутар дьоҕурдарын үрдүктүк сыаналаатылар. Кыайыылаахтар дипломунан наҕараадаланнылар, оттон хас биирдии кыттыбыт оҕо сертификат тутан үөрдэ-көттө.

Туһалаах сынньалаҥы кыралыын-улаханныын бары сэҥээрдилэр. Бэйэ изоляциятын кэмигэр төрөппүттэр оҕолор дьарыктаах буолалларын хайдах ситиһэбит диэн толкуйга түспүттэрэ, хата, Оҕо (обургу оҕо) Киинэ кустук дьэрэкээн өҥүнэн дьиримниир кэрэ-бэлиэ күннэри бэлэхтээтэ. Саҥа, сонун форматтаах сынньалаҥы бары да сөбүлээтилэр: кыттааччылар уонна төрөппүттэр.

Оҕо (обургу оҕо) Киинэ Дьокуускай куорат үөрэнээччилэригэр куттала суох уонна баай ис хоһоонноох ураты уоскулаҥы утары уунна. Оҕолор астыннылар, төрөппүттэр махталлара муҥура суох.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...