Учуонайдар коронавирус өлөр температуратын быһаарбыттар

Франция учуонайдара коронавирус 92 кыраадыс итиигэ өлөрүн, чинчийии түмүгэр, быһаарбыттар. Ол туһунан bioRxiv научнай портал суруйар.

Эксперимент кэмигэр учуонайдар коронавируһу 60 кыраадыс итиигэ биир чаас устата туппуттар, ол эрэн бу температураҕа вирус сорох штамма өлбөт, эбиитин ууһуур кыахтааҕа быһаарыллыбыт. Вирус өлүүтүн 92 кыраадыс  итиигэ биирдэ ситиспиттэр.

Ыраас ууга 60 кыраадыска тиийэ оргуйдаҕына вирус өлөр, оттон кирдээх ууга, оргуттахха да, тыыннаах хаалыан сөп эбит.

Учуонайдар суруйалларынан, вируһу суох гынарга табыгастаах ньыма чопчуланнаҕына балыыһаларга туттуллан барыахтаах. Муус устар 16 күнүттэн дезинфекциялааһыҥҥа, Арассыыйаҕа өссө регистрациялана илик, Кытайдар айбыт гидроксихлорохин суурадаһыннарын туттан эрэллэр.

Билигин, аптекаларга мааска атыыга суох кэмигэр, үгүспүт таҥаһынан тиктэн кэттибит. Таҥас маасканы 2-3 чаас кэтэн баран хаһаайыстыбаннай эбэтэр "антибактериальнай" мыыланан сууллуохтаах. Уонна хайаан да паардаах өтүүгүнэн өтүүктэниллиэхтээх.

Кэтэ сылдьан, мааскаҕыт сиигирдэ да, саҥаҕа уларытан иһэр тоҕоостоох. Сииккэ араас бактерия түргэнник үөскүүр.