Уһук Илин тиэргэннэрин тупсарыы салҕанар
Өрөспүүбүлүкэ баһылыгын иһинэн Архитектура уонна куораты тутуу управлениета 2025 сылга «Уһук Илин тиэргэннэрин тупсарыы» бырагыраамаҕа киириэн сөптөөх бырайыактарга куонкурус биллэрэр.
"Бу иннинээҕи «Уһук Илиҥҥэ 1000 тиэргэн» диэн бырагыраамаҕа Саха сирэ бастаан 2022 сылга кыттан, 846 мөл. солк. суумаҕа 124 тиэргэн уонна дьоҕус паарка оҥоһуллубута, 2023 сыллаахха 61 тиэргэни тупсарыыга федеральнай бүддьүөттэн 429 мөл. солк. туһаҕа тахсыбыта, 2024 сылга 94 мөл. солк. суумаҕа 16 тиэргэн тупсарыллыбыта. Быйыл эмиэ федеральнай бүддьүөттэн 111 мөл. солк. киирэрэ күүтүллэр», – диэтэ өрөспүүбүлүкэ кылаабынай архитектора Любовь Папок.
Сайаапкалары б.дь. тохсунньу ый 9 күнүттэн 29 күнүгэр диэри 1000_dvorov@mail.ru электроннай аадырыска туталлар.
Санатар буоллахха, тиэргэни тупсарыы бырагыраамата дойду баһылыга Владимир Путин сорудаҕынан ыытыллар.
Уһук Илиҥҥэ 1000 тиэргэни тупсарыы туһунан 2021 сыллаахха Арассыыйа Бырабыыталыстыбатын бэрэссэдээтэлин солбуйааччы – Уһук Илиҥҥэ Арассыыйа бэрэсидьиэнин боломуочунайа Юрий Трутнев биллэрбитэ. Тиэргэни тупсарыы үбүлээһинэ субсидия быһыытынан оҥоһуллар. Кээмэйэ нэһилиэнньэ ахсаанынан быһыллар, диэн Ил Дархан уонна Бырабыыталыстыба пресс-сулууспата иһитиннэрэр.
Сонуннар
Ордук ааҕаллар
