Эти, оҕуруот, сир аһын таҥастыыр сыах тутулла турар
2025 сылга Арктикатааҕы эргиэн-логистика хампаанньатын баазатыгар эти, оҕуруот, сир аһын таҥастыыр сыах үлэҕэ киириэҕэ.
Ол эбэтэр Ил Дархан сорудаҕынан хоту улуустарга барыларыгар тэриллэр 13 эргиэн-логистика кииннэрэ үөс сиртэн аһылык бородууксуйатын тиэйиини уонна хоту оройуоннартан эти, сир аһын тутан таҥастааһыны, кэнсиэрбэлээһини тэҥинэн дьүөрэлиэхтэрэ.
Бүгүҥҥү күҥҥэ «АТЛК» АУо (Арктикатааҕы эргиэн-логистика хампаанньатын) территориятыгар эти, сир, оҕуруот аһын таҥастыыр производственнай сыах тутуллар. Арктиканы сайыннырыыга уонна хотугу норуоттар дьыалаларыгар миниистир Владимир Черноградскай иһитиннэрбитинэн, сыах эт, оҕуруот аһын кэнсиэрбэтин, барыанньа, сироп оҥорууга идэтийиэҕэ.
Санатар буоллахха, хоту улуустарга баар эргиэн-логистика кииннэрэ быйылгыттан олохтоох нэһилиэнньэттэн отон, сугун, долохуна туталлар, диэн иһитиннэрэр Ил Дархан уонна Бырабыыталыстыба пресс-сулууспата.
Хаартыска: Арктиканы сайыннырыыга уонна хотугу норуоттар дьыалаларыгар министиэристибэ тиксэриитэ.
Сонуннар
Ордук ааҕаллар
