2025 сылга Ил Түмэн дьокутааттара биирдиилээн гражданнары кытта көрсөр графиктара

Саха Өрөспүүбүлкэтин Судаарыстыбаннай Мунньаҕын (Ил Түмэн) Бэрэссэдээтэлин 2024 сыл ахсынньы 24 күнүнээҕи 193 №-дээх дьаһалынан 2025 сыллааҕы сааскы сессия чэрчитинэн норуот дьокутааттара гражданнары кытта көрсөр графиктара бигэргэтиллибитэ.
Ол курдук, тохсунньу 14 уонна ыам ыйын 30 күннэригэр Ил Түмэн Бэрэссэдээтэлин Бастакы солбуйааччы Александр Жирков тус приема буолуоҕа.
Тохсунньу 22, кулун тутар 12 уонна бэс ыйын 11 күннэригэр тус приему  Олохтоох бэйэни салайыныыга сис кэмитиэт бэрэссэдээтэлэ Владимир Прокопьев ыытыаҕа.
Тохсунньу 22, кулун тутар 12 уонна ыам ыйын 21 күннэригэр гражданнары кытта экономичемскай, инвестиционнай уонна промышленнай политикаҕа ис кэмитиэт бэрэсэдээтэлэ Павел Петров уонна науаҕа уонна үөрэхтээһиҥэ сис кэмитиэт пбэрэссэдээтэлэ Антонина Григорьева көрсүөхтэрэ.
Тохсунньу 23 уонна кулун тутар 12 күннэригэр Ил Түмэн Бэрэссэдээтэлэ Алексей Еремеев тус приема былааннанар.
Тохсунньу 30 уонна ыам ыйын 22 күннэригэр Ил Түмэн бэрэссэдээтэлин солбуйааччы – бүддьүөккэ, үпкэ, нолуокка уонна сыана политикатыгар, бас билии уонна приватизация боппуруостарыгар сис кэмитиэт бэрэссэдээтэлэ Юрий Николаев уонна Ил Түмэн Бэрэссэдээтэлин солбуйааччы – судаарыстыбаннай тутууга уонна сокуоҥҥа сис кэмитиэт салайааччыта Афанасий Владимиров тус приемнара буолуоҕа.
Олунньу 4, кулун тутар 27 уонна бэс ыйын 11 күннэригэр Хотугу аҕыйах ахсааннаах норуоттар дьыалаларыгар уонна Арктика боппуруостарыгар сис кэмитиэт бэрэссэдээтэлэ Елена Голомарева, култуураҕа, сонуну киэҥник көрдөрөр-иһитиннэрэр тиһиктэргэ сис кэмитиэт бэрэссэдээтэлэ Виктор Губарев, Хонтуруоллуур кэмитиэт бэрэссэдээтэлэ Андрей Николаев, мандат уонна регламент хамыһыыйатын бэрэссэдээтэлэ Игорь Григорьев приемнуохтара.
Олунньу 5 уонна ыам ыйын 29 күннэриигэр Ил Түмэн Бэрэссэдээтэлин солбуйааччы – байыаннай сулууспалаахтар, бойуобуой дьайыылар бэтэрээннэрин дьыалаларыгар, патриотическай иитии уонна уопсастыбаннай тэрилтэлэр боппуруостарыгар сис кэмитиэт бэрэссэдээтэлэ Александр Подголов тус приема ыытыллыаҕа. 
Олунньу 5, муус устар 3 уонна бэс ыйын 5 күннэригэр тутууга, олох-дьаһах, хомунаалынай хаһаайыстыба уонна энергетика боппуруостарыгар сис кэмитиэт бэрэссэдээтэлэ Александр Корякин, урбааҥҥа, туризмҥа сис кэмитиэт бэрэссэдээтэлэ Алексей Корниловка, ыччат дьыалатыгар, физическэй култуураҕа уонна спорка сис кэмитиэт бэрэссэдээтэлэ Георгий Балакшин тус приемнарыгар суруйтарыахха сөп.
Олунньу 6, муус устар 2 уонна ыам ыйын 28 күннэригэр гражданнары кытта Светлана Давыдова, доруобуйа харыстабылыгар сис кэмитиэт, Алена Атласова, социальнай политикаҕа, үлэҕэ туонна дьарыктаах буолууга сис кэмитиэт, Александр Атласов, тыа хаһаайыстыбатыгар, аграрнай политикаҕа сис кэмитиэт, Андрей Находкин, сир сыһыаннаһыыларыгар, айылҕа ресурсатыгар уонна экологияҕа сис кэмитиэт бэрэссэдээтэллэрэ көрсүөхтэрэ.
Норуот дьокутааттарын кытта тус көрсүһүүгэ Ил Түмэн Уопсастыбаннай приёмнайын нөҥүө суруйтарыллар: Дьокуускай к., Ярославскай уул., 24/1, каб. 117. Тэйиччиттэн суруйтарыы аадырыһа: https://www.iltumen.ru/reception. Сиһилии билсэр төлөпүөн: 8 (4112) 43-53-74. Санатар буоллахха, дьокутаат тус приемугар киирэргэ эрдэттэн суруйтарар булгуччулаах. Приемҥа пааспар ирдэнэр, диэн иһитиннэрэр Ил Түмэн аппараатын гражданнары кытта үлэҕэ салаата.