Анал байыаннай дьайыы кыттыылаахтарыгар сылаас таҥаһы тутуу салҕанар

Саха сирин волонтердарын ыстааба анал байыаннай дьайыы кыттыылаахтарыгар ыытарга сылаас таҥаһы тутууну салҕыыр.

Волонтердар ыстааптарын #МЫВМЕСТЕ салайааччыта Айыллаан Винокуров тохсунньу 9 күнүгэр брифиҥҥэ иһитиннэрбитинэн, бүгүҥҥү күҥҥэ маскировка сиэккэтин уонна чүмэчи оҥоруутугар көмө наада.
Кини бэлиэтээбитинэн, активистар икки сүрүн хайысханан үлэлииллэр.
«Бастатан туран байыаннай дьайыы кыттыылаахтарын дьиэ кэргэттэригэр аадырыстаах көмөнү оҥоруу ыытыллар. Волонтердар 122 «быһа линиянан» киирэр сайаапкаларынан үлэлииллэр», — диэтэ Айыллаан Винокуров.
Маны таһынан региональнай ыстаап гуманитарнай көмөнү хомуйуунан уонна ыытыынан, байыастар таҥастарын уонна экипировкаларын тигиинэн дьарыктаналлар.
Санатар буоллахха, Саха сирэ анал байыаннай дьайыыга былырыын 120 туоннаттан тахса гуманитарнай көмөнү тиэрдибитэ уонна 2300 байыаска аадырыстаах баһыылканы тиксэрбитэ. 
#МЫВМЕСТЕ ыстаап үлэтигэр 800 волонтер кыттыыны ылбыта. 

Гуманитарнай көмөнү тутар аадырыс: Дьокуускай к., Бестужев-Марлинскай уул., 5 (ДОСААФ). Сарсыарда 09.00 чаастан киэһэ 19.00 чааска диэри үлэлиир. 
Ол туһунан Ил Дархан уонна Бырабыыталыстыба пресс-сулууспата иһитиннэрэр.