Уһук Илин ипотекатын туһунан ыйытыкка кыттыҥ

Дьокуускай куорат дьаһалтата “Уһук Илин ипотеката” (“Дальневосточная ипотека”) бырагыраама туһунан ыйытыкка (опрос) көхтөөхтүк кыттаргытыгар ыҥырар. Маны СӨ тутууга министиэристибэтэ ыытар.

Бу олох-дьаһах боппуруостарын быһаарарга, бырагыраама көмөтүнэн дьиэ ылыан баҕалаах дьон ахсаанын билэргэ тирэх буолуоҕа. Манна “Уһук Илин ипотеката” бырагыраамаҕа киириэн баҕалаах “Дьокуускай куорат” куораттааҕы уокурук олохтоохторо, ол эбэтэр “22-тэн 36-гар диэри саастаах эдэр ыал” категорияҕа хапсар дьон кыттыахтарын сөп. Ыйытык түмүктэрин Арассыыйа Уһук Илин сайдыытын министиэристибэтигэр ыытыахтара.    

https://docs.google.com/forms/d/1quzIJjFs_PnZuyXApTUty28Rag22U_K2jgfov4We7co/viewform?edit_requested=true бу сигэнэн киирэн кыттыҥ.