27.12.2021 | 12:00

«Уһук Илиҥҥэ 1000 тиэргэн» бырагырааманан 30 тиэргэн өрөмүөннэниэҕэ

«Уһук Илиҥҥэ 1000 тиэргэн» бырагырааманан 30 тиэргэн өрөмүөннэниэҕэ
Ааптар: Киин Куорат
Бөлөххө киир

Киин куоракка «Уһук Илиҥҥэ 1000 тиэргэн» федеральнай бырагыраама чэрчитинэн  ыытыллыбыт куонкурус сүүмэрдээһинэ түмүктэннэ. Ол туһунан Уокуруктааҕы дьаһалта пресс-сулууспата иһитиннэрдэ.
«Уһук Илиҥҥэ 1000 тиэргэн» федеральнай бырайыак – федеральнай бүддьүөттэн 7 млрд. солк. үбүлээһиннээх киэҥ далааһыннаах бырагыраама. Кини Уһук Илин нэһилиэнньэлээх пууннарыгар тиэргэн территорияларын уонна уопсастыбаннай миэстэлэри саҥардыыга туһуламмыт. Тиэргэннэр 2022 сылга үлэҕэ киириэхтээхтэр. 
Дьокуускай куораты тутууга уонна тырааныспар инфраструктуратыгар Департаменын начаалынньыга Северина Архипова бэлиэтээбитинэн, сүүмэрдээһин бастакы түһүмэҕэр, сэтинньи 26 күнүттэн ахсынньы 7 күнүгэр диэри куорат олохтоохторуттан 66 сайаапка киирбит. 
«5 сайаапка, барыллаан көрүүнэн, сүүмэрдээһин ирдэбиллэригэр эппиэттээбэттэрин иһин ылыллыбатахтар. Биричиинэтэ – ити дьиэлэр салайар хампаанньалара өрөмүөннэнэр тиэргэннэри бэйэлэрин балансаларыгар ыларга бэлэмэ суохтар» – диэбит   Северина Архипова.
Дьокуускай олохтоохторо «One Click Yakutia» цифровой платформаҕа куоластааһыҥҥа кыттыбыттар уонна тупсарыыга сыһыаннаах бэйэлэрин идиэйэлэрин киллэрбиттэр. Уопсайа 93 идиэйэ уонна 1000 куолас киирбит. 
Иккис түһүмэххэ, ахсынньы 6 күнүттэн 12 күнүгэр диэри, олохтоох дьаһалта исписэлиистэрэ СӨ баһылыгын иһинэн үлэлиир архитектураҕа уонна куораты тутууга Управлениетыгар куонкурус сүүмэрдээһинигэр биэрээри ирдэнэр докумуоннары хомуйбуттар.
Бырайыактары уонна сметалары балаһааккаларынан кулун тутар 1 күнүгэр диэри оҥороллор. Бэдэрээччик тэрилтэлэр үлэлэрин саас саҕалыыллар. Тиэргэннэр 2022 сыл ыам ыйын 1 күнүттэн сэтинньи 1 күнүгэр диэри үлэҕэ киирэллэр.
«Уһук Илиҥҥэ 1000 тиэргэн» бырагыраама уратыта – олохтоохтор былааны дьүүллэһиигэ кытталлар, сакаасчык буолаллар. Кинилэр тиэргэннэрэ хайдах быһыылаах буоларын бэйэлэрэ быһаараллар. 
Биэдэмистибэлэр икки ардыларынааҕы хамыыһыйа быһаарыытынан, бырагыраама чэрчитинэн Дьокуускай 30 тиэргэни тупсаран оҥорууга 235,5 мөл. солк. ылыахтаах. 
«Уһук Илиҥҥэ 1000 тиэргэн» бырагыраамаҕа хапсыбыт аадырыстар
Автодорожнай уокурук: 1. Птицефабрика уул., 6; Гагаринскай уокурук: 2. Кузьмин уул., 29/2; 3. Кузьмин уул., 30/2; 4. Кузьмина уул., 30/3; 5. Можайскай уул., 21; 6. Можайскай уул., 21/1; 7. Можайскай уул., 17/5; Можайскай уул., 17/6;  Октябрьскай уокурук: 9. Ленин просп. уул., 46;         Промышленнай уокурук: 10. Кальвица уул., 5; 11. Кальвица уул., 5/1; 12. Кальвица уул., 5/2; 13.  Советскай Армия 50 сыла уул., 23; Сайсары уокуруга: 14. Лермонтов уул., 138/2; 15. Лермонтов уул., 138/3; 16. Лермонтов уул., 138/4; Строительнай уокурук: 17. Жорницкай уул., 7/4; 18. Жорницкай уул., 7/5; 19. Жорницкай уул., 7/6;   20. Жорницкай уул., 7/9;   21 Жорницкай уул., 7/11; 22. Жорницкай уул., 7/12; 23. Жорницкай уул., 7/31; 24. Рыдзинскай уул., 18/3; 25. Рыдзинскай уул., 18/4; 26. Рыдзинскай уул., 18/6; 27. Рыдзинскай уул., 18/7; 28. Рыдзинскай уул., 18/9; 29. Рыдзинскай уул., 18/11; 30. Рыдзинскай уул., 18/12.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...