26.02.2020 | 12:56

ТЫА СИРЭ УЛАРАЙЫЫЛАРЫ КҮҮТЭР

ТЫА СИРЭ УЛАРАЙЫЫЛАРЫ КҮҮТЭР
Ааптар: Киин Куорат

Олунньу 14 күнүгэр “Мой бизнес” кииҥҥэ “Тыа сирин кыһалҕалара. Тыа сирин, тыа хаһаайыстыбатын  сайыннарыы. Тыа сирин экологията” диэн төгүрүк остуол буолан ааста.

Тыа хаһаайыстыбатын миниистирин солбуйааччы В.В. Афанасьев кэлэн кытынна. Ону сэргэ бааһынай хаһаайыстыбалаах фермердэр, олоххо көхтөөх позициялаах биэнсийэлээхтэр, араас эйгэ үлэһиттэрэ, IT индустрияттан "Софт-групп” ХЭТ, ыччат уо.д.а. көхтөөхтүк кытыннылар.

Тэрийээччилэринэн “СахаАгроКонцерн” ХЭТ уонна “Саха сирин тутулуга суох экологтара буоллулар”. Көрсүһүүгэ үгүс сытыы боппуруос көтөҕүлүннэ, ырытыһыы таҕыста.Ол курдук, тыа сирин дьоно бөҕү наардаан хомуйууга баҕалаахтарын эттилэр. Ыраас уунан хааччыллыы кыһалҕата үгүс улуустарга тирээн кэлбитин биллэрдилэр. Ууну ыраастаан нэһилиэнньэҕэ тарҕатар станциялар олох аҕыйах улууска бааллар.

Экология боппуруостарын тумнар эмиэ сатаммат. Тыаларга бөҕү харайыыттан саҕалаан улахан айылҕа кээһэниилэрэ тахса турар. Маны быһаарарга былаас уонна уопсастыба икки өттүттэн кыһамньылара наада.

Бу күннэргэ төгүрүк остуол резолюцията тахсыахтаах.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.