Туймаада ыһыаҕар ВКонтакте социальнай ситим зоната үлэлиэҕэ

ВКонтакте социальнай ситим Улуу Туймаада Үрүҥ Тунах ыһыаҕынан Саха сирин олохтоохторугар ураты бэлэҕи бэлэмнээтэ. Ол курдук, бэс ыйын 24-25 күннэригэр Үс Хатыҥҥа бэйэтин социальнай ситимэ үлэлиир зонатын бэлэмнээтэ.
Ыһыах ыалдьыттарын олохтоох кэлэктииптэри сэргэ Тима Акимов, Роман Каграманов уонна ESMI диэн артыыстар, блогердар кэнсиэртэрэ күүтэр. Бэстибээл сиһилии бырагырааматын «Ысыах Туймаады» сообществоҕа билсиэххэ сөп.
ВКонтакте зонатыгар этническэй макияж оҥорторуохха, тематическай хаартыскаҕа түһүөххэ, сахалыы остуол оонньуутугар холонуохха сөп, маны сэргэ ыалдьыттары лимонад утаҕынан күндүлүөхтэрэ.
ВКонтакте зоната бэс ыйын 24 күнүгэр күнүс 14:00 чаастан түүн 00:00 чааска уонна бэс ыйын  25 күнүгэр сарсыарда 10:00 чаастан киэһэ 19:00 чааска диэри үлэлиир.
Оттон Күнү көрсүү сиэрин-туомун кыттыылаахтара гигапиксельнай интерактивнай хаартыскаҕа үйэтитиллэр кыахтаахтар. Хаартыскалары уонна видеолары социальнай ситим «Ысыах Туймаады» бөлөҕөр көрүөххэ сөп буолуо.