05.07.2024 | 14:00

Туймаада ыһыаҕар 230 тыһыынчаттан тахса киһи сырытта

Туймаада ыһыаҕар 230 тыһыынчаттан тахса киһи сырытта
Ааптар: Айыына КСЕНОФОНТОВА
Бөлөххө киир

Бэс ыйын 29-30 күннэригэр Үс Хатыҥ ытык сиригэр ыһыллыбыт Туймаада ыһыаҕар барыта 230 тыһыынчаттан тахса киһи сырытта. Быйылгы тэрээһин Арассыыйаҕа Дьиэ кэргэн, Саха сиригэр Оҕо саас сылларыгар, ахсыс төгүлүн ыытыллар норуоттар икки ардыларынааҕы «Азия оҕолоро» оонньууларга ананна. Үс Хатыҥҥа тугу сэргии көрбүппүтүн хаартысканан кэпсиибит.

Быйыл 99 ытык сэргэлээх аллея ыһыах ыҥырыылаах ыалдьыттарын саҥардыллан, тупсаҕай көстүүлэнэн көрүстэ.

«Тунах түһүлгэтигэр» иннэ да түһэр сирэ суох! Үөрүүлээх аһыллыы сиэрэ-туома дьоҥҥо-сэргэҕэ оннук күүтүүлээх! Үрдүк Айыыларбытыгар сүгүрүйдүбүт, арчыланныбыт, ыраастанныбыт, алгыстанныбыт! 

Оһуохайдаан ойдубут, күҥҥэ тиийэ күөрэйдибит, ыйга диэри ыстанныбыт!

Хаартыскаҕа: ыһыах сүрүн режиссера, Арассыыйа култууратын үтүөлээх үлэһитэ, СӨ үтүөлээх артыыһа Афанасий Фёдоров оһуохай таһаарар кэскиллээх ыччаты кытта.

Каарта, ыйынньык элбээбит; түһүлгэ аата, күннээҕи бырагыраамата көстүүлээх сиргэ туруоруллубута табыгастаах. «Ол үрдүнэн мунаахсыйар киһи син биир үгүс», – диэтилэр Хонтуруоллуур-киллэрэр пуун (КПП) дьуһуурунайдара.

Үс Хатыҥҥа хаартыскаҕа түһэр ураты зона сыл аайы элбии турара кэрэхсэбиллээх. Саха сирин аар-саарга ааттаппыт ытык дьоммут мөссүөннэрдээх зонаҕа хаартыскаҕа түһээччи үгүс.

«Якутдорстрой» тэрилтэ тиэхиньикэтэ быылы хаптатар үлэни балачча үчүгэйдик ыытта. Урут баспытыттан атахпытыгар диэри быылы бүрүнэн дьиэлиир эбит буоллахпытына, бу сырыыга арыый ыраас төнүннүбүт диэн үөрдүбүт.

Өбүгэлэр оонньууларын оҕунан ытыыга күрэҕин кыттааччылара – кэрэ аҥаардар, бэтэрээн дьахталлар.

Туалеттар тастарыгар илии суунар кырааннар бааллара дьоҥҥо бэрт табыгастаах. Хас хардыы аайы да буолбатар, бөх быраҕар контейнердар тураллар. Ол эрээри ууруна син биир аҕыйах диэн аһаҕастык бэлиэтиибит.

СӨ армрестлиҥҥэ федерацията туруорбут остуолугар хары баттаһыыга оҕо аймах, эр хоһууннар, бэл, кэрэ аҥаардар кытта күүстэрин холоһон көрдүлэр.

Үс Хатыҥҥа сыа киһи сылайыар, эт киһи элэйиэр диэри хаамар. Тэлиэгэлээх ат – бастыҥ такси. «Хатааһылатабын, эппит түһүлгэҕитигэр илдьэн биэрэбин, сыаната кэпсэтиинэн», – диэтэ аттаах киһи.

Хас да сиргэ ас-үөл сыанатын үөрэтэн көрдүбүт, улаханнык уратыласпат диэн түмүккэ кэллибит. Холобур:

Ис миинэ – 300 солк.

Ыһаарыламмыт собо (1 уст.) – 350 солк.

Быырпах (1,5 л) – 300-350 солк.

Саламаат – 150 солк.

Шашлык – 400 солк.

Бэрэски – (1 уст.) – 100 солк.  (Салгыы хаартыскаҕа көр)

Биһиги аһаабыт сирбитигэр сибээс мөлтөх диэн төлөбүрү уу харчынан ыллылар.

***

Үс Хатыҥ ытык сиригэр

Туймаада ыһыаҕа ыһылынна!

Үөрүү-көтүү үксээтэ,

Уруй-туску улаатта!

Ааптар түһэриилэрэ

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...