13.06.2024 | 14:00

Тиэргэни тупсарыынан нэһилиэнньэни кытта көрсүһүүлэр салҕаналлар

Тиэргэни тупсарыынан нэһилиэнньэни кытта көрсүһүүлэр салҕаналлар
Ааптар: Лия АЛЕКСЕЕВА
Бөлөххө киир

Быйыл сайын Дьокуускай куоракка «Уһук Илиҥҥэ 1000 тиэргэн» федеральнай бырагырааманан 15 тиэргэҥҥэ тупсарыы үлэтэ ыытыллар. Дойду баһылыгын боломуочуйалаах бэрэстэбиитэлэ Юрий Трутнев көҕүлээһининэн 2021 сылтан үлэлиир бырагыраама Дьокуускай куорат маастар-былаанын олоххо киллэрии иитинэн 2030 сылга диэри уһатыллан турар. 
2030 сылга диэри Дьокуускайга 200-тэн тахса тиэргэн тупсарыллыаҕа.

Октябрьскай уокурук

Тупсарыллар тиэргэннэр:

- Чернышевскай уул., 22/1;

- Чернышевскай уул., 22/2;

- Аржаков уул., 16;

- Кулаковскай уул., 4/3;

- Киров уул., 7/3;

- Киров уул., 7/4.

Өҥөнөн туһанааччы ахсаана:

- 478 кыбартыыра;

- 1434 киһи.

 

Чернышевскай, 22/1, 22/2, Аржаков, 16 уонна Кулаковскай, 4/3 дьиэлэр олохтоохторун кытта көһө сылдьар мунньахтарга куорат баһылыгын солбуйааччы Антон Алексеенко, Октябрьскай уокуруктан Ил Түмэн дьокутаата Иван Луцкан, уокурук управатын салайааччыта Валентин Эверстов, «Главстрой» МХТ уонна бырайыактыыр тэрилтэ бэрэстэбиитэллэрэ кыттыыны ылбыттара. Бу иннинэ уокурук олохтоохторун кытта тиэргэннэри тупсарыы туһунан көрсүһүүлэр управа көҕүлээһининэн ыытыллыбыттара.

Тупсарыы бырайыагын ырытыһыы кэмигэр Евгений Григорьев олохтоохторго “1000 тиэргэн” Уһук Илин регион бырагырааматын сэргэ “Мин тиэргэним” өрөспүүбүлүкэ иһинэн үлэлиир бырагыраама баарын билиһиннэрдэ.

“Бүгүн биһиги үөрэтэр, ырытар бырайыакпытын эһигини кытта сөпсөһүөхтээхпит, көхтөөх олохтоохтору түмэн, өрөмүөн кэмигэр хонтуруол барарын туһугар уонна үлэни тутар саҕана олохтоохтор быһаччы кыттыыны ылалларын ситиһиэхтээхпит”, – диэн баһылык быһааран биэрдэ. Олох көрдөрөрүнэн, норуот хонтуруола баара бэдэрээтчиттэри бэрээдэктииргэ, үлэлэрин үрдүк хаачыстыбалаахтык толороллорун кэмигэр ирдээн иһэргэ төһүү буолар.

Бырайыактыыр тэрилтэ бэрэстэбиитэлэ иһитиннэрбитинэн, бэдэрээтчит Глухой переулоктан саҕалаан Чернышевскай уулуссатыгар диэри аспаал бүрүөһүнүн барытын уларытар, ууну аһардар лотуоктары тутар, оҕо балаһааккатын, спорт комплексын, массыына тохтуур сирин, бэлисипиэт туруорар сирдэри, бөх мунньар анал балаһаакканы тэрийэр.  Олбуордары, сынньанар ыскамыйалары, ууруналары эмиэ туруоруохтара.

Оттон Киров уул., 7/3 уонна 7/4 элбэх кыбартыыралаах дьиэлэрин тиэргэнигэр спорт балаһаакката, оҕо оонньуур сирэ, хачыал, олорон сынньанар ыскамыайкалар баар буолуохтара. Массыына туруорар сир, бөх тоҕор миэстэ эмиэ умнуллубаттар.

Губинскай уокурук

Тупсарыллар тиэргэннэр:

- Губин уул., 5/2;

- Севернай уул., 6

Өҥөнөн туһанааччы ахсаана:

- 343 кыбартыыра;

- 1059 киһи.

 

“Старт” бырайыактыыр бюро иһитиннэрбитинэн, бу тиэргэннэргэ аспаал бүрүөһүнэ барыта уларыйар, саҥа оҕо балаһаакката тутуллар, спорт балаһаакката баар буолар, тренажердар, ыскамыайкалар, ууну аһардар ситим оҥоһуллар, массыына туруорар сир уонна бөх мунньар балаһаакка саҥардыллаллар.

Ырытыһыы кэмигэр олохтоохтор подьезка пандус тутуутун туруорустулар.

Тиэргэн бырайыагын дьүүллэһиигэ баһылык солбуйааччыта Антон Алексеенко, “Старт” бырайыактыыр бюро ХЭТ, “Главстрой” МХТ, Губинскай уокурук управатын, “ЖКХ Губинский” салайар хампаанньа бэрэстэбиитэллэрэ кытыннылар.

Көрсүһүү түмүгүнэн көхтөөх олохтоохтортон бөлөх тэрилиннэ. Кинилэр өрөмүөн үлэтин хонтуруоллуохтара.

Гагарин уокуруга

Тупсарыллар тиэргэннэр:

- Кузьмин уул., 10;

- Кузьмин уул., 14;

- Можайскай уул., 17/8.

Өҥөнөн туһанааччы ахсаана:

- 365 кыбартыыра;

- 1095 киһи.

 

Бырайыакка уу халдьалара, оҕо оонньуур балаһааккалара, баскетбол оонньуур сир, сынньалаҥ зоната, күнтэн хаххалаах ыскамыайкалар, массыына туруорар миэстэ, бөх тоҕор балаһаакка, воркаут-комплекс, тренажердар бааллар. Көҕөрдүү үлэтэ, тротуар эмиэ умнуллубатахтар.

Гагарин уокуругун управатын салайааччыта Евгений Сидоренко иһитиннэрбитинэн, ааспыт сылларга уокурукка номнуо 18 тиэргэҥҥэ тупсарыы үлэтэ ыытыллыбыт: 2022 сыл – 15, 2023 сыл – 3.

Промышленнай уокурук

Тупсарыллар тиэргэннэр:

- Кальвица уул., 7/1;

- Кальвица уул., 9/1.

Өҥөнөн туһанааччы ахсаана:

- 160 кыбартыыра;

- 480 киһи.

 

Манна олохтоохтор сайаапкаларынан футбол оонньуур хонуу, массыына туруорар миэстэ, оонньуур балаһаакка, маны сэргэ уу халдьалара, аспаал  оҥоһуллуохтара.

Куорат баһылыга Евгений Григорьев бэлиэтээбитинэн, ааспыт сылларга тиэргэннэри тупсарыы иитинэн нэһилиэнньэни кытта сирэй көрсөн кэпсэтиилэр бары өттүнэн көдьүүстээхтэрин көрдөрбүттэр. Олохтоохтор чопчу туохха баҕаралларын, туох сүрүн кыһалҕалар баалларын миэстэтигэр быһаарсар, ырытыһар бары өттүнэн табыгастаах.

Холобура, Кальвица, 7/1 уонна 9/1 дьиэлэр олохтоохторо ГлавАПУ, управа, «Главстрой» МХТ уонна «Основа» ХЭТ бэрэстэбиитэллэрин кытта миэстэтигэр массыына туруорар сир ханан буолуохтааҕын, бөх тоҕор балаһаакка ханан ордугун, оонньуур, сынньанар миэстэлэри быһаарыстылар. Түмүгэр былырыыҥҥы бырайыактарыгар кэккэ уларыйыылары киллэрдилэр, чуолаан ардах уутун Кальвица уулуссатын диэки ыытар туһунан быһаарыыны ылыннылар.

Киин уокурук

Тупсарыллар тиэргэннэр:

– Ленин пр., 11;

- Ленин пр., 38

Өҥөнөн туһанааччы ахсаана:

- 125 кыбартыыра;

- 375 киһи.

 

Бэс ыйын 10 күнүгэр куорат баһылыгын солбуйааччы Антон Алексеенко Ленин пр., 11 олохтоохторун кытта көрсөн, тупсарыы бырайыагын дьүүллэстэ.

Ол курдук, бу сайын манна аспаал, бордюр саҥардыллаары турар, оҕо балаһаакката тутуллуоҕа, массыына туруорар, бөх тоҕор балаһааккалар тэриллиэхтэрэ, олохтоохтор өссө бөҕү наардаан тоҕор контейнердары туруортарар былааннаахтар.

Ити курдук, тиэргэни тупсарыынан куорат салалтата нэһилиэнньэни кытта көрсүһүүлэрэ түмүктэнэн эрэр. Аны Ленин пр., 38 дьиэтин олохтоохторун кытта көрсүһэр хаалла. Онон аны күһүн олохтоохтор өрөмүөннэммит, саҥардыллыбыт тиэргэннэри долгуйа күүтэллэр. Онуоха диэри хонтуруол, хонтуруол уонна өссө төгүл хонтуруол! Хаачыстыбата суох, итэҕэстээх-быһаҕастаах үлэлэри бэдэрээтчиттэр бэйэлэрин суоттарыгар көннөрөр буоланнар, кинилэр даҕаны өттүлэриттэн хаачыстыбалаах үлэҕэ дьулуур баара саарбахтаммат.

 

Тиэргэни тупсарыы үлэтэ хаачыстыбата суох ыытылыннаҕына, бэдэрээтчит бэйэтин суотугар көннөрөр.

Сонуннар

Ордук ааҕаллар

Ылланарга айыллыбыт олох
Дьон | 11.10.2024 | 12:00
Ылланарга айыллыбыт олох
Хаһааҥҥытааҕар даҕаны ардахтаах күһүн буолла. Уһун ардахтарга өйбөр куруутун “Тохтообокко ардах түһэр, Түннүкпэр таммаҕы ыһар...” ырыа тыллара ытыллар.   Биһиги көлүөнэ оҕолор үрдүкү кылаастартан саҕалаан “Ардахха санаа” ырыаны истэ улааппыппыт. Оччолорго, биллэн турар, ким тыла, ким матыыба буоларын улаханнык билэ да сатаабат этибит. Ырыа баар да баар. Киһи олоҕун кэрдиис кэмнэринэн...
Киин куоракка саҥа сквер тутуллуон сөп
Дьон | 05.10.2024 | 14:00
Киин куоракка саҥа сквер тутуллуон сөп
2022 сыл кулун тутар 8 күнэ биһиэхэ ыар сүтүк күнэ этэ, ыраас халлааҥҥа этиҥ эппитинии аймаабыта: ыарахан ыарыы дьүөгэбит Ирина Елизарова сырдык тыынын ылан барбыта.   Чугас киhиҥ, дьүөгэҥ, доҕоруҥ суох буоллаҕына, биллэн турар, бастакынан үйэтитии туhунан санаалар киирэллэр эбит. Кини биллэр, бэйэтэ ааттаах-суоллаах, историялаах, сүгүрүйээччилэрдээх, истээччилэрдээх буоллаҕына, атыннык толкуйдуу да...
Борис Борисов: «Пушкиҥҥа сүгүрүйүүм — “Евгений Онегины”  нойосуус билиим»
Дьон | 10.10.2024 | 10:00
Борис Борисов: «Пушкиҥҥа сүгүрүйүүм — “Евгений Онегины” нойосуус билиим»
Саха киһитэ тыйаатыры, артыыстары олус ытыгылаан  ылынар ураты көрөөччү. Ол оруоллары ураннык толорор артыыстартан сүдү тутулуктааҕын саарбахтаабаппын. Оннук биир үтүө киһи, Саха Өрөспүүбүлүкэтин норуодунай артыыһа, Щепкин аатынан Үрдүкү театральнай училище “көмүс выпускнига” Борис Иванович Борисовы кытта өрөгөйдөөх 75 сааһынан сэһэргэстибит.   – Артыыс буолар баҕа санаа оҕо эрдэххиттэн баара дуу? –...
Кинини саха быһаҕа быыһаабыта
Дьон | 11.10.2024 | 10:00
Кинини саха быһаҕа быыһаабыта
Кинилэр – биһиги дьоруойдарбыт, кинилэр – өлөллөрүн кэрэйбэккэ эйэлээх олох туһугар охсуһаллар, бааһырбыт доҕотторун өстөөх уотун аннынан быыһыыллар, бука бары быраат, убай диэн ыҥырсаллар.   Бу анал байыаннай дьайыы бүттэҕинэ, элбэх кэпсэниэ, элбэх кистэлэҥ арыллыа, ким эрэ ол саҕана кимиэхэ да эппэтэх санаатын дьэ этиэ турдаҕа. Сорох ардыгар киһи дьиибэргиир, итэҕэйиэ...