08.09.2022 | 10:00

Тиэргэммит үөрүүбүтүн үрдэттэ

Киин куоракка 75 тиэргэн территориятыгар тупсарыы үлэтэ ыытыллар диэн бу иннинэ суруйбуппут. Бүгүҥҥү нүөмэргэ бу күннэргэ аһыллыахтаах эбийиэктэри сырдатабыт, туох үлэ барбытын билиһиннэрэбит.
Тиэргэммит үөрүүбүтүн үрдэттэ
Ааптар: Айталина Софронова
Бөлөххө киир

Санатан эттэххэ, Дьокуускай куорат тиэргэннэрин тупсарыы үс бырагырааманан үбүлэнэр. Үлэ уопсай суумата 669 363 897,08 солк. тэҥнэһэр, ол иһигэр:

✓ «Уһук Илиҥҥэ 1000 тиэргэн» федеральнай бырагырааманан – 236,96 мөл. солк.;

✓ СӨ Ил Дарханын «Мин тиэргэним» өрөспүүбүлүкэтээҕи бырагырааматынан – 150,04 мөл. солк.;

✓ «Киин куораты тупсарыы үс сыла» Дьокуускай куорат бырагырааматынан – 281,26 мөл. солк.

Үлэ уопсай болдьоҕо алтынньы 31 күнүгэр диэри салҕанар. Дьокуускай куорат үбүлүөйдээх күнүн көрсө үс аадырыска үлэ түмүктэммит. Автодорожнай уокурукка – Птицефабрика оройуонун 6,7; Чкалов уул.,1; Крупская уул., 21, 23 уонна Автодорожнай уул., 40/5, 40/6.

 

Автодорожнай уокурукка — 3 комплекс

— Бэдэрээтчитинэн "Основа» ХЭТ үлэлиир.

— Хантараак уопсай суумата – 78,88 мөл. солк.

— Бырайыактааһын үлэтин ИП Атласов В.Г. оҥордо.

Үлэ саҕаланыан иннинэ

Птицефабрика оройуона

Птицефабрика оройуонун 6, 7 дьиэлэригэр көтүрэр, территорияны былааннааһын, аспааллааһын уонна тротуардары оҥоруу үлэлэрэ толорулуннулар.

Учаастак уопсай иэнэ – 4529 кв.м.

2576 кв. м суол аспаалламмыт.

Тротуарга 773 кв.м. билиитэ ууруллубут, бордюр – 697 миэтэрэ.

Оҕо оонньуур балаһаакката – 408 кв.м.

Спортивнай балаһаакка – 312 кв. м.

Воркаут-балаһаакка – 197 кв.м.

Маны таһынан спортивнай тренажердар, анал тэриллэр-тээбириннэр, сабыс-саҥа ыскамыайкалар уонна бөх быраҕар ууруналар туруорулуннулар. 

Үлэ бүппүтүн кэннэ

Николай:
— Куорат бу оройуона сайда турар. Суола да оҥоһуллар, дьиэлэр да тутуллар буоллулар. Саҥа балаһаакка, суол оҥоһуллубуттара туох куһаҕаннаах буолуой? Ол эрээри кыһыммыт маны тулутуо дуо диэн ыйытыы үөскүүр. Аспаалбыт этэҥҥэ турдар ханнык, олохтоохтор баҕас харыстыахтара. Билигин дьон өйө-санаата уларыйда. Аныгылыы толкуйдуур, үчүгэй олоххо-дьаһахха тардыһар уонна олорорго табыгастаах усулуобуйаны ирдиир буоллулар. 

Үлэ саҕаланыан иннинэ

Крупская уул., 21, 23, Чкалов уул., 1

Бу эбийиэккэ үгүс көтүрэр, территорияны хаттаан былааннааһын үлэтэ оҥоһуллубут, саҥа аспаал бүрүөһүнүн куппуттар уонна тротуардары оҥордулар.

Учаастак уопсай иэнэ – 3003 кв.м.

721 кв.м суолу аспаалламмыт.

Тротуарга 368 кв.м билиитэ ууруллубут, бордюр –  476 м.

Суол иэнэ – 158 кв. м.

Оҕо оонньуур балаһаакката – 194 кв.м.,

Спортивнай балаһаакка – 370 кв.м.,

Воркаут-балаһаакка – 190 кв.м.

Үлэ бүппүтүн кэннэ

Алексей:
— Бу сайыны быһа үлэ ыытылынна. Саҥа ыскамыайкалар, оҕо оонньуур балаһаакката турдулар. Бэйэм эппин-хааммын көрүнэр буолан, күн ахсын саҥа тренажердарга тахсан дьарыктанабын. Кырдьыгы кистээбэккэ эттэххэ, олохтоохтор наһаа үөрдүбүт. Кытаатан алдьаппакка, бэйэ-бэйэҕэ харыстабыллаахтык сыһыаннаһыахха, бу тэриллэрбит-тээбириннэрбит уһуннук сулууспалыыллара буоллар. Бэрт түргэн-тарҕан тутааччылар эбит, сорох боппуруостары тута миэстэтигэр дьүүллэспиппит. Куорат баһылыга, салалта куруук хонтуруоллуу сылдьыбыттара ордук кэрэхсэбиллээх.

Үлэ саҕаланыан иннинэ

Автодорожнай уул., 40/5, 40/6

Манна үөһэ ааттаммыт үлэ барыта оҥоһуллубут. Уопсай үлэ кээмэйин кэпсээтэххэ:

Учаастак уопсай иэнэ – 4911 кв.м.

3071 кв.м суол аспаалламмыт.

Тротуарга 701 кв.м билиитэ ууруллубут, бордюр – 751 м.

Оҕо оонньуур балаһаакката – 343 кв.м.,

Спортивнай балаһаакка – 390 кв.м.,

Воркаут-балаһаакка – 154 кв.м.

Үлэ бүппүтүн кэннэ

Лена:

Бэрт тэтимнээх үлэ ыытыллан түмүктэнэн эрэр. Чахчы, куорат үбүлүөйдээх күнүн көрсө олохтоохторго да, куорат да дьонугар дьоһун бэлэх буолла. Түгэнинэн туһанан, хаһыат нөҥүө куорат салалтатыгар махталбын тиэрдэбин.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....