28.08.2023 | 10:28

Табаҕалар икки бүк үбүлүөйү бэлиэтээтилэр

Табаҕалар икки бүк үбүлүөйү бэлиэтээтилэр
Ааптар: Киин Куорат
Бөлөххө киир

Ааспыт субуотаҕа, атырдьах ыйын 26 күнүгэр, Эргэ уонна Саҥа Табаҕалар туһааннааҕынан төрүттэммиттэрэ 280 уонна 65 саастарын бэлиэтээтилэр. 
Үбүлүөйдээхтэри өрөспүүбүлүкэ уонна куорат былааһа күүскэ эҕэрдэлээтилэр. Дьокуускай куорат баһылыгын тыа хаһаайыстыбатын, эргиэни уонна урбааны сайыннарыы боппуруостарыгар солбуйааччы Владимир Аржаков Табаҕа ыстаансыйатын дьаамсыктара Саха сирин судаарыстыбаннаһын сайдыытыгар сүҥкэн кылааттарын бэлиэтээтэ. 
«Оччотооҕу дьаам сүүрдээччилэр хайдахтаах курдук уустук, тыйыс усулуобуйаҕа почта сибээһинэн хааччыйбыттарын биһиги бүгүн даҕаны салла саныыбыт. Ол кэмнэртэн үс төгүрүк үйэ буолан баран Табаҕа эмиэ өрөспүүбүлүкэ тэбэр сүрэҕэр кубулуйан эрэр – сотору манна Өлүөнэ муостата уонна бөдөҥ логистическай киин тутуллуохтара»,– диэтэ  Владимир Аржаков.


Бөһүөлэк дьаһалтатын салайааччыта Виктория Паланычка бу дьоро күнүнэн ааспыт биэс сылга ыытыллыбыт үлэ туһунан үөрэ кэпсээтэ уонна Ил Дархан Айсен Николаевка, куорат баһылыга Евгений Григорьевка, Эргэ уонна Саҥа Табаҕа олохтоохторугар барыларыгар махталын биллэрдэ:
– «Кедр» култуура дьиэтэ тутулунна, Эргэ Табаҕаҕа – балыыһа, Саҥа Табаҕаҕа фельдшер пууна үлэҕэ киирдилэр, Оҕо искусствотын дьиэтигэр хапытаалынай өрөмүөн ыытылынна, уопсай үөрэхтээһин оскуолатын хапытаалынай өрөмүөнэ бара турар.


Үбүлүөйдээх тэрээһин чэрчитинэн Эргэ Табаҕаҕа үөрүүлээх быһыыга-майгыга биэрэстэ остуолбата туруорулунна. 1743 сыллаахха манна Иркутскай-Дьокуускай почта суола арыллан, бөһүөлэк үөскүүрүгэр төрүөт буолбут. Оттон остуолбаны туруорууну көҕүлээччинэн дьаамсыктар сыдьааннара, Арассыыйа Бочуоттаах тутааччыта, «По следам государевых ямщиков» кинигэ ааптара Анатолий Соколов буолар.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...