01.02.2024 | 18:00

Төрөөбүт тылы үөрэтии туругун кэтээн көрүү хайдах буолуохтааҕый?

Тохсунньутааҕы мунньах түһүлгэтигэр этнокултуурунай үөрэх туругун кэтээн көрүү туһунан бырайыактыыр сиэссийэ буолан ааста. Тэрээһини Саха Өрөспүүбүлүкэтин Билимин академиятыгар тэриллибит Ф.В. Габышева салайааччылаах Төрөөбүт тылы чинчийэр киин ыытта.
Төрөөбүт тылы үөрэтии туругун кэтээн көрүү хайдах буолуохтааҕый?
Ааптар: Светлана Семенова, Төрөөбүт тылы чинчийэр киин сүрүн научнай үлэһитэ
Бөлөххө киир

Үөрэх миниистирин бастакы солбуйааччы А.П. Аргунова мустубут дьоҥҥо Арассыыйа үрдүнэн ыытыллар мониториннары билиһиннэрдэ. Өрөспүүбүлүкэбитигэр төрөөбүт тылы уонна култуураны үөрэтии туругун кэтээн көрөр ситими тэрийэр сорук турарын эттэ. Үөрэх министиэристибэтин департаменнарын салайааччылара М.Н. Колмаков, С.В. Иванов, Саҥа технологиялары сайыннарар институт дириэктэрэ А.М.Соловьев, Үөрэх хаачыстыбатын кэтээн көрөр киин дириэктэрин солбуйааччы Т.Н. Иванова бэйэлэрин хайысхаларыгар ыытыллар үлэни билиһиннэрдилэр, төрөөбүт тылы үөрэтиигэ санааларын үллэһиннилэр.  


Төрөөбүт тылы чинчийэр киин сүрүн научнай үлэһитэ С.С. Семенова этнокултуурунай үөрэх туругун кэтээн көрүү сүрүн хайысхаларын туһунан сиһилии кэпсээтэ. Бырайыак сүрүн чааһа быйылгы дьылга оҥоһуллан, элбэхтик ырытыллан, бигэргэнэн, аныгы технология көмөтүнэн тэриллэр Үөрэх министиэристибэтин ситимэ буолуохтааҕын туһунан эттэ. 
Үөрэҕи сайыннарар уонна идэни үрдэтэр институт дириэктэрин солбуйааччы С.В. Дедюкина, Идэҕэ бэлэмниир үөрэҕи сайыннарар институт хаапыдаратын сэбиэдиссэйэ Н.Н. Ефимова, Дьокуускай куорат уонна улуус үөрэҕин салайааччылара бэйэлэрин санааларын эттилэр. Учууталлар төрөөбүт тылынан иитии-үөрэтии туругун кэтээн көрүү тиһигэр үөрэх былаанын чааһа, учуутал хамнаһа, учуобунньук, үөрэтии-иитии хаачыстыбата сүрүн болҕомтоҕо ылыллыахтаахтар диэн тоһоҕолоон бэлиэтээтилэр. 


Этнокултуурунай үөрэх туругун кэтээн көрүү олоххо киирдэҕинэ, хас биирдии уһуйааҥҥа, оскуолаҕа, эбии үөрэх тэрилтэтигэр туох кыһалҕа уонна ситиһии баара тута биллэр-көстөр буолуоҕа. Оччоҕо үөрэх министиэристибэтин, Дьокуускай куорат уонна улуус үөрэҕин салайааччылара төрөөбүт тыл эйгэтин боппуруостарын тута болҕомтоҕо ылан, ырытан-чопчулаан, салгыы тупсарар-сайыннарар үлэни тэрийэллэригэр тирэхтээх буолуохтара. 

***

Төрөөбүт тылы үөрэтии туругун кэтээн көрүү ситимин бырайыагын тула кэпсэтии  хаста да тэриллэрэ былааннанар. Үлэ быйыл түмүктэниэ.

Наталья Спиридонова хаартыскалара

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!