20.11.2019 | 12:36

Сыл устата уон икки кафе сабылынна

Сыл устата уон икки кафе сабылынна
Ааптар: Киин Куорат

2019 сыл устата Дьокуускай куорат сымыйа-кафелары утары балайда үлэни ыытта. Сыл уон ыйыгар кистээн арыгынан эргинэр 12 кафе үлэтэ тохтотулунна.

Ол курдук, Дьокуускай куоракка предпринимательствонан дьарыктаныы сокуонунан көмүскэллээх буоларын хааччыйар ведомстволар икки ардыларынааҕы хамыыһыйа ааһан эрэр 2019 сылга уопсайа куорат 144 тэрилтэтин бэрэбиэркэлээтэ. Ол иһигэр бородуукта маҕаһыыннара, ресторан, кафе, бар курдук уопсастыбаннай аһылык тэрилтэлэрэ, оҕуруот аһын, фрукта павильоннара, эргиэн кииннэрэ, массыына өрөмүөннүүр миэстэлэр, ону кытта арыгынан сокуона суох эргинэр кафелар бэрэбиэркэлэнэннэр, 6 кафе үлэтин тохтотто:

– «У Татьяны» кафе, Маҕан трагын 2 км;

–«Мельница» ресто-бар, Чайковскай уул., 87;

– «Таверна» бар, Дзержинскэй уул., 15/2а;

– «Привет сосед» бар, Хабаров уул., 44/1;

–«Полторашка» бар, Лермонтов уул., 58/3г;

–«Берлога» бар, Петр Алексеев уул., 59к.

Куорат дьаһалтатын ааһан эрэ нэдиэлэтээҕи былаанныыр мунньаҕа кэпсииринэн, киһи сонньуйара диэн, сабыллыбыт, бобуллубут кафелар, эргиэн туочукаларын оннугар сонно-тута ааттара эрэ атын, эмиэ сокуону нөҥүөлүүр үүтү-хайаҕаһы булбут атын бардар, кафелар арыллыбыттара эрэ баар буолар эбит. Онон быйылгы дьылга бу эйгэни хонтуруоллуур уорганнар балайда элбэх үлэни ыыттылар эрээри, хонтуруол сыппыыра сатамматын олох күн-түүн бигэргэтэ турар. Ол курдук, аҥаардас бу ааспыт алтынньы ыйга эбии алта сымыйа-кафены саппыттар:

–"Beer Craft" диэн пиибэнэн эргинэр бар, Дзержинскэй уул., 32/1а;

–«Пивной» ресто-бар, Автодорожнай уул., 44;

–«Black room» бар, Чепалов уул., 21/1;

–«24 часа» бар, «Борей» ХЭУо, Федор Попов уул., 8;

–«Солнечная Туймаада» бар, Федор Попов уул., 16/1, «Тимир» ХЭУо;

–«Солнечная Туймаада» бар, Петр Алексеев уул., 8а, «Тимир» ХЭУо.

Сабыллыбыт тэрилтэлэр тустарынан информация салгыы Роспотребнадзорга ыытыллыбыт.

Бэрэбиэркэ көрдөрбүтүнэн, үөһээ ааттаммыт тэрилтэлэр сүрүннээн ГОСТ уопсастыбаннай аһылык тэрилтэтигэр туруорар ирдэбиллэригэр хоруйдаабаттар («ГОСТ 30389-2013. Межгосударственный стандарт. Услуги общественного питания. Предприятия общественного питания. Классификация и общие требования»). Быһааран эттэххэ, бу ГОСТ ирдэбиллэрэ сүбэ эрэ быһыытынан бэриллэр буоланнар, булгуччу толоруу ирдэммэт, ону ааһан сокуон базата сиикэй миэстэлэрдээҕэ сиэрэ суох предпринимателлэргэ арыгынан эргинэр үүтү-хайаҕаһы булар кыаҕы биэрэрэ кистэл буолбатах.

Сокуону куруубайдык кэһии биир түгэнэ – сокуоннай саастарын ситэ илик ыччат дьоҥҥо арыгыны атыылааһын. Ол курдук, куорат предпринимательствоҕа управлениетын чахчыларынан, 2018 сылга полиция кыттыылаах бэрэбиэркэ «Приют бодливой козы» («Форвард-Сервис» ХЭУо) кыра оҕоҕо пиибэ атыылыырын быһаарбыт. Бу дьыаланан административнай буруйу оҥоруу туһунан боротокуол толоруллан, 150 000, 00 солкуобай кээмэйдээх ыстараап олохтоммут. Итини сэргэ Мировой судьуйа уурааҕыгар олоҕуран, «Форвард-Сервис» арыгылаах бородууксуйанан эргинэр лицензията былдьаммыт. Ити курдук 2019 сылга «Faust» диэн (Федор Попов уул., 21) тэрилтэ эмиэ сокуоннай сааһын ситэ илик оҕоҕо арыгы атыылаан, административнай ыстараапка түһэриллибитэ.

Сокуоннай саастарын ситэ илик оҕолорго арыгылаах утаҕы маҕаһыыннар эрэ атыылаабаттар, биирдиилээн дьон, бутлегердэр кытта дьиэлэригэр аҕалан биэрэллэрэ уҕараабат. Ол курдук, сэтинньи 7 күнүгэр, ИДьМ саайта иһитиннэрэринэн, 1№-дээх полиция отделын инспектора Автодорожнай уулусса биир дьиэтин таһыгар оскуола оҕото саастаах эдэр киһиэхэ массыынанан арыгы аҕалан биэрбиттэрин туппут. 38 саастаах бутлегерга 30-тан 50 тыһыынчаҕа тиийэ солкуобай кээмэйдээх административнай ыстараап түһэриллибит. Ол күн бутлегер массыынатыттан 10,5 л иэннээх арыгылаах утах тутуллубут. 

Оттон сүрүннээн арыгынан эргинэр тэрилтэлэр сокуонтан хайдах куоталларый? Кулун тутар ыйга 203-с микроорйуон 6-с куорпуһугар үлэлээбит «Цоколь» барга ыытыллыбыт бэрэбиэркэ тэрилтэ санитарнай-эпидемиологическэй ирдэбилгэ хоруйдаабатын быһааран турар (РФ КоАП 6,6 ыст.), инньэ гынан 90 хонук үлэлиир быраабын тохтоппут. Киһи сонньуйара диэн, бу «Цоколь» итинтэн сылтаан сабылла охсор, кини оннугар саҥа «Цоколь2» үлэтин саҕалыыр, бүгүн манна үһүс арендатор («Номекс» ХЭУо) кэлэн, аны «203» диэн эмиэ арыгыны кутан биэрэр кафены үлэлэтэр. Хомойуох иһин, сокуон ону көҥүллүүр... 

Биллэн турар, бүгүҥҥү күҥҥэ харчы саамай түргэнник эргийэр бизнеһэ – арыгы. Дьэ ол иһин сорохтор, сууту-сокуону, ыстараабы да кэрэйбэккэ, түргэн харчыны мэктиэлиир бу бизнеһи эккирэтэллэр. Холобура, киоскаларга кытта атыылааһын тахсар. Ол курдук, Промышленнай уокурук оройуонугар Беринг уул., 33в баар маҕаһыыҥҥа, итиэннэ Сайсары уокуругар Билибин уулуссатыгар эмиэ пиибэ атыылыыр бүтүн отделлар үлэлии турбуттар. Биллэн турар, уокуруктар управалара бу предпринимателлэри кытта дуогабары көтүрбүттэр эрээри, бүгүн, сарсын куорат атын уокуруктарыгар итинник эргиэмсиктэр үүнэн тахсыа суохтара диэн ким даҕаны мэктиэлиир кыаҕа суох.

Манна даҕатан эттэххэ, мэрия бэнидиэнньиктээҕи былаанныыр мунньаҕар баһылык Сардаана Авксентьева куорат предпринимательствоҕа департаменын салайааччыта Светлана Василенкоҕа Куорат предпринимательствоҕа Координационнай сэбиэтин кытта үлэ быстар мөлтөхтүк баран эрэрин туһунан тоһоҕолообута. Баһылык хас да түгэни бэлиэтээбитин иһигэр стационарнайа суох эргиэн тутууларын (НТО киоскалар) турар схемалара чопчута суоҕун ахтыбыта. Онон кэлэр нэдиэлэ оптуорунньугар сэтинньи 19 күнүгэр былааннанар Координационнай сэбиэт мунньаҕар баһылык тус кыттыыны ылан, ити уонна да атын боппуруостарга чуолкай хоруйу ирдиир былааннаах.

Куорат бары уокуоруктарыгар арыгынан сокуона суох эргиниини утары күүстээх үлэ бара турар. Сокуону тутуһууну хонтуруоллуур эриэйдэлэргэ участковайдар, Роспотребнадзор, предпринимательство министиэристибэтин, административнай хамыыһыйа, муниципальнай хонтуруол управлениетын  бэрэстэбиитэллэрэ уонна уопсастыбанньыктар көхтөөх кыттыыны ылаллар.

Ытыктабыллаах куорат олохтоохторо!

Уопсастыбаннай аһылык тэрилтэлэригэр сокуону кэһии тахсыбытын бэлиэтии көрдөххүтүнэ, якутск.рф сайтка киирэн, бэлэм былааҥка толорон, бэрээдэги хонтуруоллуур уорганнарга күүс-көмө буолуоххутун сөп:

якутск.рф - «горожанам» - «обращения» - «установленные формы обращений»

Куораппыт бэрээдэгэ – бэйэбит илиибитигэр!

Сонуннар

Ордук ааҕаллар

Саха снайпера Пантелеймон Руфов
Дьон | 11.07.2021 | 11:30
Саха снайпера Пантелеймон Руфов
Пантелеймон Руфов Үөһээ Бүлүүттэн төрүттээх, Руфовтар иллээх  дьиэ кэргэттэригэр төрдүс уол оҕонон төрөөбүт. Кини билигин Рязань куоракка аармыйа генерала Василий Филиппович Маргелов аатынан воздушно-десантнай гвардейскай училищены бүтэрэн кэллэ. Бу саха оҕотугар олус сэдэх көстүү буоларынан сибээстээн эһиэхэ Пантелеймоннуун кэпсэтиибин таһаарабын. - Биэс сыллаах үөрэҕи бүтэрдим. Манна офицердар, спецназтар иитиллэн үөрэнэн...
Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...