30.01.2021 | 06:57

Судургу ырысыаптар

Судургу ырысыаптар
Ааптар: Киин Куорат
Бөлөххө киир

Бүгүн ааҕааччыларбытыгар судургу уонна элбэх бириэмэни эрэйбэт ырысыаптары таһаарабыт. Хас биирдии хаһаайка бу минньигэс астарынан дьиэлээхтэрин күндүлүөн сөп.

Рогалик

Састааба:

  • 600 г бурдук,
  • 350 г сүөгэй (25%),
  • 180 г сымнаҕас ынах арыыта,
  • 1/2 ыстакаан саахар,
  • 1 чаайынай ньуоска суода,
  • джем (атын да хойуу барыанньа буолуон сөп),
  • 1/2 плитка сакалаат.

Сүөгэйи ынах арыытын кытта миксеринэн эрийтэрэбит. Онно суоданы, саахары, бурдугу эбэн булкуйабыт. Салапааҥҥа уган, чаас аҥаара тымныыга туруорабыт. Тиэстэни 4 чааска арааран тэнитэбит, оччоҕо 25-28 диаметрдаах төгүрүк тахсар. Ону 8 тэҥ чааска быһабыт. Хас биирдиитигэр чаайынай ньуосканан джеми кутабыт уонна кэтит өттүттэн саҕалаан эрийэбит. 200° С кыраадыс итии духуопкаҕа 20 мүнүүтэ буһарабыт. Рогаликтары сакалаатынан, саахар пуударатынан киэргэтиэххэ сөп.

Ананастаах пицца

Састааба:

Тиэстэҕэ:

  • 1 ыст. үүт,
  • 1 ыст. бурдук,
  • 1 сымыыт,
  • 1 ч. нь туус.

Начыыҥкаҕа:

  • куурусса буутун этэ – 4 устуука,
  • ананас кэнсиэрбэтэ,
  • 200 г сыыр,
  • 2 болгарскай биэрэс,
  • 7 кыра помидор,
  • майонез,
  • кетчуп.

Тиэстэни таһаарбакка оҥоробут. Имитэн баран, чап-чараас гына лэппэтэбит. Ол үрдүн кетчубунан биһэбит. Онтон кырбаммыт сиикэй куурусса этин, кубиктыы быһыллыбыт ананаһы, кырбаммыт биэрэһи, помидору ууран баран, 200°С кыраадыс итии духуопкаҕа 30 мүнүүтэ буһара уурабыт.

Этэ буспутун кэннэ, теркаламмыт сыыры майонеһы кытта булкуйан үрдүгэр кутабыт уонна ууллуор диэри духуопкаҕа 10-ча мүнүүтэ туруора түһэбит.

Молдавия соркуойа

Биһиэхэ наада:

  • 500 г ынах этэ,
  • 5 орто хортуоппуй,
  • 1 эриэппэ луук,
  • 4 өлүүскэ чеснок,
  • 3-4 ост.нь. кыһыл сухой вино,
  • 500г миин.

Маҥнай ынах этин уҥуоҕунан миин буһарабыт. Хортуоппуйу ыраастыыбыт уонна 2 ост.нь. мас арыытыгар ыһаарылыыбыт. Сиикэй эти орто гына кырбыыбыт. Бу кэмҥэ хобордоох ортотунан арыыга эриэппэ луугу ыһаарылыыбыт. Ол арыытыгар эти, бурдукка ыймыы-ыймыы, ыһаарылаан сырдьыгынатабыт.

Духуопка дириҥ лииһигэр эбэтэр туоҋ горшокка маҥнай буспут хортуоппуйу, ыһаарыламмыт эти уурабыт, илдьирийбит чесногу табыгынатабыт, томатнай пастаны, сухой винону кутабыт. Онтон миини саба кутабыт. Ити кэннэ 200°С кыраадыс итии духуопкаҕа уурабыт, ол эбэтэр оргуҋуор диэри туруора түһэбит.

Санатан эттэххэ, вино көтөн хаалар, эт амтанын тупсарар. Ол иһин омуктар кыһыл винону аһылыкка куруук тутталлар эбит.

Эттээх “кэмпиэт”

Биһиэхэ наада:

  • эт,
  • 3-4 буспут сымыыт,
  • 1 оҕурсу.

Блины тиэстэтигэр:

  • 2 ыст. үүт,
  • 1 сымыыт,
  • кыра туус,
  • бурдук,
  • ас астыыр фольга.

Маҥнай эти соломолуу кырбаан баран ыһаарылыыбыт. Буспут эккэ эмиэ соломолуу кырбаммыт оҕурсуну уонна сымыыты эбэбит.

Тиэстэбитин охсон, блины буһарабыт. Улахан да, орто да быһыылаах буолуон сөп. Блиныга буспут эти, сымыыты, оҕурсуну ууран, төгүрүччү тутан баран, фольгаҕа суулаан кэбиһэбит. Фольганы кэмпиэт курдук бүк тутабыт.

Фольгаҕа сууламмыт маннык аһы оҕоҕо оскуолатыгар өйүө оҥорон ыытыахха сөп. Начыыҥкалаах блины фольгаҕа ыһыллыбакка-тоҕуллубакка, өр соҕус сылаас сылдьар буолар.

Расстегай

Састааба:

  • 500 гр бэлэм слоенай тиэстэ,
  • 500 гр эриллибит эт,
  • 3 устуука сымыыт,
  • туус, тума.

Эриллибит эппитин туустаан баран арыыга ыһаарылыыбыт. Онтон буспут сымыыты кыра гына кырбыыбыт уонна эриллибит эти кытта холбоон кэбиһэбит. Бэлэм тиэстэбитин тэҥ өрүттэрдээх көнө муннук тахсарын курдук тэнитэбит уонна ортотугар эппитин кутабыт. Тиэстэбит кытыыларын холбуубут уонна ортотун аһаҕас хаалларабыт. Эрдэттэн сылыйбыт духуопкаҕа 200°С кыраадыска 20 мүнүүтэ буһарабыт.

Оҕуруот астаах паста

Биһиэхэ наада:

  • 1 хаа спагетти лапса,

Соуска:

  • аджика,
  • 200 г сыыр,
  • биэрэс арааһа,
  • 3-4 помидор,
  • 1 эриэппэ луук,
  • моркуоптуохха сөп.

Аджиканы киһи бэйэтэ оҥоруон сөп. 1 киилэ  помидорга чеснок, мээккэ кыһыл уонна хара биэрэһи, 1 чили-биэрэһи, кыра туус уонна ч.нь. аҥаара уксус эбэн баран кыратык тэптэрэ түһэбит, ол эбэтэр оргуйбутун кэннэ араарабыт.

Маҥнай соус оҥоробут: кыһыл, саһархай эбэтэр фиолетовай биэрэһи луугу, помидору кытта ыһаарылыыбыт, аджиканы эбэбит уонна 5 мүнүүтэ оргута түһэн баран, плитканы араарабыт. Үрдүгэр теркаламмыт сыыры кутабыт уонна туруора түһэбит.

Оҕуруот аһа буһа турар кэмигэр спагеттины ууга буһарабыт. Онтон тэриэлкэҕэ өлүүлээн төгүрүччү уурабыт. Сыыра ууллубут, оҕуруот астаах аджикабытын лапсабыт ортотугар кутабыт.

“Кустук” салаат

Састааба:

  • 3 сымыыт,
  • 3 орто хортуоппуй,
  • 1 болгарскай биэрэс,
  • 1 моркуоп,
  • 1 оҕурсу,
  • 300 г ынах этэ,
  • майонез,
  • кекс буһарар форма.

Сымыыты, хортуоппуйу, моркуобу, эти тус-туһунан ууга буһарабыт. Онтон сойбутун кэннэ кыра гына кырбыыбыт. Кекс буһарар формаҕа сыстыбатын диэн арыынан биһэн баран, салааты араҥанан уурталыыбыт. Маҥнай сымыыт үрүҥэ, онтон уоһаҕа, кыра майонез, хортуоппуй, биэрэс, теркаламмыт моркуоп, оҕурсу, онтон майонез кэннэ эппитин уурабыт. Баттыы түһэн баран формабытын иһиккэ таҥнары тутабыт.

Сонуннар

07.12.2023 | 10:00
Сокуон-тойон

Ордук ааҕаллар

Афанасий Романов:  «Сорох үлэбин ситэрэргэ үөһэттэн күүс киирэр»
Дьон | 30.11.2023 | 16:00
Афанасий Романов: «Сорох үлэбин ситэрэргэ үөһэттэн күүс киирэр»
Бүгүҥҥү кэпсиир киһим – “СӨ худуоһунньуктарын айар сойууһа” уопсастыбаннай тэрилтэ бэрэссэдэтээлэ, СӨ норуодунай худуоһунньуга, СӨ искусствотын үтүөлээх деятелэ, РФ үтүөлээх худуоһунньуга, Дьокуускай куорат бочуоттаах олохтооҕо Афанасий Афанасьевич Романов. Сэтинньи ыйга Дьокуускай куорат 203-с түөлбэтигэр 24 №-дээх «Сардаана» оҕо саадын кэлэктиибин көҕүлээһининэн уонна төрөппүттэр, уопсастыбаннас өйөбүллэринэн Саха сирин историятыгар бастакы уонна...
Саха сирин 2024 сыллааҕы бүддьүөтүн сокуона ылылынна
Сонуннар | 01.12.2023 | 15:00
Саха сирин 2024 сыллааҕы бүддьүөтүн сокуона ылылынна
Ил Түмэн мунньаҕар, тиһэх иккис ааҕыыга, Саха Өрөспүүбүлүкэтин 2024 уонна былааннаммыт 2025-2026 сыллардааҕы судаарыстыбаннай бүддьүөтүн туһунан сокуона ылылынна.
Тотоойу бүлүүдэлэри ким баҕарар астыан сөп
Тускар туһан | 26.11.2023 | 12:00
Тотоойу бүлүүдэлэри ким баҕарар астыан сөп
Аныгы сайдыылаах үйэҕэ маҕаһыынтан талбыт аспытын бэлэми атыылаһан аһыахпытын сөп. Ол эрээри хас биирдии хаһаайка ис дууһатын, сүрэҕин сылааһын ууран бэйэтэ бэлэмниир аһа хаһан даҕаны ордук минньигэс уонна тус уратылаах буолар. Онон, күннээҕи түбүккүтүттэн быыс булан, дьиэ кэргэҥҥитин бэйэ буһарбыт судургу аһынан күндүлээн үөрдэргэ кыһаллыҥ.   Эттээх розалар Фарш састааба: эриллибит...
Мас тардыһыытын айти технология тупсарыаҕа
Дьон | 01.12.2023 | 10:00
Мас тардыһыытын айти технология тупсарыаҕа
Оскуола биэрэр билиитин таһынан оҕолору дьоҕурдарынан, талааннарынан, туохха тыыппалаахтарынан көрөн эбии үөрэхтээһини тэрийии киин куораппытыгар үрдүк таһымҥа барар. Бу күннэргэ Дьокуускай куорат Оҕо айымньытын дыбарыаһын “Кванториум” технопааркатын иһинэн үлэлиир “IT-Энерджи” куруһуок уһуйуллааччыта Арсений Колесов уонна салайааччыта Денис Алексеевич Данилов “Мас тардыһыытыгар аналлаах модифицированнай тэрил” диэн бырайыактарыгар патент ылары ситистилэр.   Патеннаммыт...