18.07.2021 | 10:00

Субсидиянан туһаныҥ

Субсидиянан туһаныҥ
Ааптар: Розалия Томская

Буоларын курдук от ыйын саҕаланыаҕыттан ОДьКХ өҥөлөрүн иһин төлөбүрбүт үрдээтэ. Саха сиринээҕи Госкомцен тарҕаппыт информациятынан, коммунальнай өҥө сыаната 6 бырыһыан кэриҥэ үрдээтэ.

Күөх төлөн сыаната 3,1 бырыһыан үрдээтэ: куоракка 3,2 бырыһыан тыа сиригэр – 3,1 бырыһыан ыараата. Дьиэлэрин гааһынан оттон олорор дьон төлөбүрдэрэ 3 бырыһыан эбилиннэ.

Электроэнергия 5 бырыһыан ыараата: газовай билиитэлээх куорат дьиэлэригэр уот сыаната кв/чаас 6,5 солкуобайтан 6,82 солк. буолла; тыа сиригэр уонна электрическэй билиитэлээх куорат дьиэлэригэр 4,5 солкуобайтан 4,78 солк. буолла.

Кииннэммит ититии иһин аны 6 бырыһыан ыараабыт сыананы төлүөхпүт.

“Водоканалтан” кэлэр тымныы уу сыаната 7,35 бырыһыан, итии уу 6 бырыһыан, канализация 8 бырыһыан, бөҕү тиэйии 3 бырыһыан сыаналара эбилиннэ. Ол аата куорат дьоно бөхпүтүн тиэйэр “Якутскэкосети” региональнай операторга урут ыйга 91,95 солк. төлүүр эбит буоллахпытына, бу ыйтан 94, 71 солк. төлүүр буолуохпут.

Коммунальнай өҥө сүгэһэрин арыый да чэпчэтэргэ субсидияны туһана үөрэниҥ. Бастакытын субсидия оҥорторор дьон “Агентство субсидий” тэрилтэ эбэтэр МФЦ нөҥүө оҥорторуохтарын сөп. Быйылгыттан, саҥа сокуоҥҥа олоҕуран, субсидияны оҥорторорго ОДьКХ өҥөтүгэр иэһэ суоххут туһунан ыспыраапка илдьэр наадата суох буолбута. Наадалаах информацияны судаарыстыбаннай уорганнар бэйэлэрэ ирдииллэр. ОДьКХ өҥөтүгэр субсидиянан гражданин эбэтэр дьиэ кэргэн ыйдааҕы төлөбүрүгэр дохуотун 15 бырыһыаныттан ордуга барар буоллаҕына туһанар бырааптаах.

Субсидияны туһаныы сүрүн усулуобуйата:

ОДьКХ төлөбүрэ дохуот 15 бырыһыаныттан элбэҕин ылар.

Кыбартыыраҕа бастайааннай пропискалаах буолуохтааххыт.

Бастаан оҥорторорго маннык докумуоннар наадалар:

Кыбартыыра докумуоннара.

Ааспыт 6 ый устата ылбыт дохуоккутун туоһулуур ыспыраапка.

Счеккут реквизитэ.

Иэһэ суоххут туһунан ыспыраапка аны ирдэммэт.

Быһаарыыны “Агентство субсидий” тэрилтэ 10 үлэ күнүн иһинэн таһаарар.

Субсидия сыл аҥаарыгар оҥоһуллар.

Субсидия кээмэйэ хас биирдии ыалга тус-туһунан суоттанар. Субсидия калькулятора subsidii-jku.ru сайтка баар.

От ыйын 15 күнүттэн “Агентство субсидий” эрдэ суруттарыынан гражданнары кытта үлэлиир буолла. Суруттарыы http://subsidii-jku.ru/ сайтка ыытыллар:

Сайт сүрүн страницатыгар киирэн “Физическим лицам талаҕыт”,  “Запись на прием” баттыыгыт.

Пуун аадырыһын талаҕыт.

“Прием документов” баттыыгыт.

Бириэмэтин, күнүн-дьылын талаҕыт.

Толору ааккытын, электроннай почтаҕытын толороҕут.

“Потвердить” диигит.

 «Агентство субсидий» нүөмэрэ: 8-800-222-50-70, эбии «0» баттаан кэпсэтэҕит.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...