31.10.2021 | 15:30

Спорт сонуннара

Спорт сонуннара
Ааптар: Киин Куорат

Пандемия хааччахтааһыннарыгар улаханнык мэһэйдэппэккэ, Адаптивнай спорт спортсменнара үрдүк ситиһиилэринэн үөрдэллэр. Сунтаартан төрүттээх-уустаах, олорон эрэ волейболга Арассыыйа сүүмэрдэммит хамаандатын чилиэнэ Алена Дмитриева Европа чемпионатыттан кыһыл көмүс мэтээли ылары ситистэ! Олорон эрэ волейболга Европа чемпионата алтынньы 13-24 күннэригэр Турцияҕа буолан ааста. Арассыыйа хамаандата бэйэтин бөлөҕөр Венгрия, Украина, Италия хамаандаларын хотуталаан, бөлөҕөр бастаабыта. Салгыы плей-офф диэн хотторбут туоруур оонньууларга Польша уонна Словения дьахталларын хамаандаларын кыайталааннар, финалга тахсан, Италия хамаандатын итэҕэтиилээхтик баһыйа туттулар. 

Ыччаттар ортолоругар көҥүл тустууга Краснодарга түмүктэммит Бесик Кудухов кэриэһигэр Бүтүн Арассыыйатааҕы турнирга Сахабыт сириттэн 22 эдэр тустуук кытынна. М.К. Аммосов аатынан ХИФУ-кэ үөрэнэр Егор Явловскай 57 кг үрүҥ көмүс мэтээллэннэ (тренердэрэ Владимир Кириллин, Михаил Явловскай).  61 кг Александр Болуров үһүс бириистээх миэстэлэннэ (тренерэ Николай Данилов). 70 кг Чурпачы институтун устудьуона Владимир Бояновскай эмиэ боруонса мэтээлгэ тигистэ (тренердэрэ Артур Константинов, Иннокентий Посельскай). Медалистар Арассыыйа ыччаттарын сүүмэрдэммит хамаандатыгар киллэриллиэхтэрэ. Хамаанданы тренер Василий Неустроев салайан илдьэ сырыттта.

Иркутскайга буолан ааспыт Бүтүн Арассыыйатааҕы “Геройдар Кубоктарыгар” анаммыт панкратион турнирыгар Новосибирскай, Кемерово, Иркутскай уобаластар, Забайкальскай, Хабаровскай, Краснодарскай кыраайдар, Бурятия, Тыва өрөспүүбүлүкэлэрэ уо.д.а. регионнар кытыннылар. Сахабыт сирин спортсменнара алта мэтээли ыллылар уонна хамаанданан түмүккэ үһүс буоллулар. “Sakha Wrestling” кулууптан көҥүл тустуу уонна хапсаҕай маастара Александр Неустроев 66 кг кыһыл көмүс, Мииринэйтэн Иван Павлов үрүҥ көмүс, Сафар Сафаров (“Sakha Wrestling”)  84 кг үрүҥ көмүс, традиционнай панкратиоҥҥа иккис, классическайга бастакы миэстэлэри ылаттаата, “Айхал” кулууптан Егор Рожин 57 кг уонна Удачнайтан Андрей Дмитриев боруонса мэтээллэннилэр. Эчэйии ылан төрдүс миэстэлэммит Сергей Шадрин “Кыайыыга дьулуурун иһин” бирииһинэн бэлиэтэннэ. ММА байыастарын тренер Иван Охлопков салайан илдьэ сырытта.

“Спорт – олох нуормата” федеральнай бырайыак чэрчитинэн Ил Түмэн дьокутааттарын Михаил Гуляев бэрэссэдээтэллээх физическэй култуураҕа уонна спорка сис кэмитиэтэ Уус Алдан Бороҕонугар физкультура уонна спорт сайдыытын боппуруостарыгар көһө сылдьар төгүрүк остуолу ыытта. Саха Өрөспүүбүлүкэтин бырабыыталыстыбатын бэрэссэдээтэлин солбуйааччы кыттыыны ылла. Дьыалабыай кэпсэтиилэргэ Уус Алдан улууһуттан баһылык Алексей Федотов үлэлиир бөлөҕө кытынна. Улууска 2012 сыл Спорт сылынан биллэриллиэҕиттэн, хамсааһын тахсыбыт, нэһилиэнньэ 43 % физкультуранан уонна спордунан дьарыктанар, спорт 21 көрүҥэр федерациялар, 21 спорт инструктора үлэлииллэр, оҕо спордугар болҕомто ууруллар. Саха АССР төрүттэммитэ 100 сылын көрсө кэлэр сайын Бороҕоҥҥо буолар Саха сирин норуоттарын VIII-с спортивнай оонньууларыгар бэлэмнэнии, Мындаабаҕа уопсай дьиэлээх универсальнай спорт комплекс, Бороҕоҥҥо 10000 олорор миэстэлээх стадион, элбэх функциялаах спортивнай саала тутуулара күүскэ бара тураллар. 

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...