Сотору кэминэн быһыыны оҕолорго туруоруохтара

Аны икки нэдиэлэ курдугунан, «Спутник М» вакцинаны клиническэй чинчийии чэрчитинэн, 6-11 саастаах оҕолорго коронавирус дьаҥын утары туоруоруу саҕаланыаҕа. Бу туһунан Гамалея аатынан эпидемиология уонна микробиология научнай-чинчийэр киинин дириэктэрэ Александр Гинцбург иһитиннэрдэ. 
«Быһыыны туруорууну быһа холоон икки нэдиэлэнэн саҕалыахпыт», - диэн ыйытыктарга хоруйдууругар Александр Гинцбург иһитиннэрдэ. 
Бу иннинэ Арассыыйа доруобуйа харыстабылыгар Министиэристибэтэ коронавирус инфекциятын утары 12-17 саастаах оҕолорго, ирдэнэр чинчийиилэри оҥорон баран, «Спутник М» вакцинаны туруорар туһунан быһаарыыны ылыммыта. Ити вакцина үчүгэй түмүктэрдээҕин уонна куттала суоҕун көрдөрбүт. Тохсунньу ый бүтэһигэр Гамалея киинэ вакцинаны 6-11 саастаах оҕолорго туруорар курдук клиническэй чинчийиилэри ыытарга көҥүлү ылбыт.