20.12.2023 | 12:45

Социальнай гаастааһын ураты суолталааҕа бэлиэтэннэ

«Куораты кытта быһа эпиир» биэриигэ Евгений Григорьев ыытааччы Людмила Басыгысова уонна куорат олохтоохторун ыйытыыларыгар хоруйдаата.
Социальнай гаастааһын ураты суолталааҕа бэлиэтэннэ
Ааптар: Киин Куорат
Бөлөххө киир

Тыын суолталаах кыһалҕалартан биирдэстэринэн чааһынай дьиэлэргэ гаас киллэриитэ буолар. Куорат баһылыга ити хайысханан ыытыллар үлэни уонна социальнай гаастааһын бырагыраамаларын туһунан сырдатта.

«Дьокуускай куорат территориятыгар гаастааһын сүрүн кыһалҕатынан «пропускной» кыамтата тиийбэтэ буолар. Итини быһаарарга, Хатаска баар ГРЭС уларытыллан оҥоһуллуон уонна Маҕаҥҥа саҥа ГРЭС тутуллуон наада. Ити үлэ маастар-былааҥҥа киирэн сылдьар уонна 2028 сылга диэри ыытыллыахтаах.

Социальнай гаастааһын бырагырааматын дойдубут бэрэсидьиэнэ көҕүлээбитэ. Дьокуускай куорат территориятыгар 1200-тэн тахса учаастакка үлэ ыытылынна, дьиҥэр 754-кэ эрэ былааннаммыта. Номнуо 950 киһи дьиэтигэр гаастанна. Итини сэргэ, гаастааһыҥҥа чэпчэтиинэн туһанар араҥаҕа СӨ Үлэҕэ уонна социальнай сайдыыга министиэристибэтин 150 тыһыынча солкуобай суумалаах өйөбүлэ баар. Ол иһигэр байыаннай дьайыы кыттыылаахтарыгар дьиэ иһинээҕи тэрили – ититии систиэмэтин эбэтэр гаас хочуолун атыылаһалларыгар. Ити сыалга 5 мөлүйүөнтэн тахса солкуобай туһаайылынна. Гааһы киллэрии былаана 24%-нан куоһарылынна уонна эһиил эмиэ үрдүк таһымҥа тахсар былаан баар», – диэн бэлиэтээтэ Евгений Григорьев.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....