СЭТИННЬИ САҤА СОКУОННАРА

• 6,5 бырыһыаннаах ипотека болдьоҕо уһаата. Сэтинньигэ түмүктэнэр былааннаах эбит буоллаҕына, 2021 сыл от ыйыгар диэри уһатылынна. Бу бырагыраамаҕа кирэдьиит ылааччы сааһа, оҕолооҕо-оҕото суоҕа, о.д.а. көрүллүбэт. Киһиэхэ барытыгар барсар. Норуокка “коронавирус ипотеката” диэн сүрэхтэммитэ. Ол эрэн бу нэһилиэнньэни өйүүр сокуон, ис дьиҥэр киирдэххэ, тутааччылары өйүүр буолан таҕыста, тоҕо диэтэххэ дьиэ ырыынагар сыана бас баттах барда.
• Путин босуобуйаларын уһаттылар. Босуобуйалар барыта 2021 сыл кулун тутар 1 күнүгэр диэри уһаатылар. Докумуону саҥардар, сайаапка суруйар наадата суох. Бу барыта пандемиянан сибээстээн ылыллыбыт дьаһаллар.
• Европротоколу электроннай ньыманан оҥоруохха сөп буолла. Суол саахалыгар түбэспит дьон, европротоколу кумааҕыга эрэ буолбакка, бэйэлэрэ «Помощник ОСАГО» электроннай сыһыарыы көмөтүнэн толоруохтарын сөп.
• Сэтинньиттэн массыына ПТС докумуона электроннай халыыпка көһөр. Урут кумааҕы ПТС ылбыт дьон салгыы туһанар бырааптаахтар. Саҥа ылааччыларга кумааҕы докумуон бэриллэн бүттэ.
• 3-7 саастаах оҕолорго босуобуйа оҥорторорго элимиэн туһунан докумуоннары аны ирдээбэттэр. Туһааннаах уорганнар информацияны бэйэлэрэ ирдэһэр буолуохтара.

Сэтинньи 25 күнүттэн ИП-ны сабарга сайаапка формата уларыйар.