Сайыҥҥы уу ситимигэр холбонуу саҕаланна

“Водоканал” акционернай уопсастыба сайыҥҥы кэмҥэ тымныы уу ситимигэр холбонууга физическэй уонна юридическай сирэйдэргэ көҥүл биэрээһини саҕалаата. Баҕалаах дьон дуогабар түһэрсэргэ докумуоннарын «Водоканал» аадырыһыгар ыытыахтарын наада. Ол эрэ кэннэ ууну бэриллэр диэн «Водоканал» тоһоҕолоон бэлиэтиир. 
Чааһынай дьиэлээх дьон сайыҥҥы уу ситимин холботорго сайаапкаларын «Водоканал» акционернай уопсастыба yvdk@mail.ru электроннай аадырыһыгар ыыталлар, техническэй өттүнэн уу холбонор кыахтааҕын чуолкайдыырга дьиэлэрин аадырыһа толору ыйыллыахтаах. Ол сатанар буоллаҕына, сайыҥҥы өттүгэр эрэ дьиҥнээҕинэн ааҕыллар дуогабар түһэрсиллэр уонна дьиэттэн уу баар туочукатыгар диэри ситим тардыллар. Булгуччулаах усулуобуйа – уу счетчига баар буолуохтаах. 
Дуогабар түһэрсэр кэм бүгүҥҥүттэн, ол эбэтэр 2021 сыл ыам ыйын 12 күнүттэн саҕаланна. 
Сайыҥҥы уу ситимин араарыы болдьоҕо – 2021 сыл алтынньы 1 күнүттэн 2021 сыл алтынньы 10 күнүгэр диэри. 

Ирдэнэр докумуоннар:
Физическэй сирэйдэргэ:
Пааспар
ИНН
ЕГРН туоһу суруга эбэтэр выписка (дьиэҕэ эбэтэр учаастакка)
Кыраныыссаны тыырыы туһунан аакта (былырыыҥҥы сыллааҕы)
Төлөбүр туһунан квитанция (былырыыҥҥы сезон сабыллыбытын туһунан, аванса, п/у пломбалааһына)

Юридическэй сирэйдэргэ:
Устаап
ИНН, ОГРН
ЕГРН туоһу суруга эбэтэр выписка
Кыраныыссаны тыырыы туһунан аакта (былырыыҥҥы сыллааҕы)
Контрагент карточката
Төлөбүр туһунан квитанция (былырыыҥҥы сезон сабыллыбытын туһунан, аванса, п/у пломбалааһына)

Уруккуттан баар сайыҥҥы ситими холботууга туох ирдэнэрий:
“Водоканал” акционернай уопсастыба сайыҥҥы уу ситиминэн 2020 сылга туһаммыт иэстээх дьон иэстэрин төлүүллэрэ ирдэнэр. 
Сайыҥҥы уу ситимин 2021 сылга туттарга учуоттуур тэрили пломбааһынын төлөбүрэ 100% төлөнүөхтээх. 
Сайыҥҥы уу ситимин 2021 сылга туттар иһин 30% авансанан төлөнөр. Сайабылыанньа «Водоканал» АУо yvdk@mail.ru  электроннай почтатыгар дьиэ (тэрилтэ) аадырыһын ыйан туран ыытыллар. 
2021 сылга сайыҥҥы уу ситиминэн туһанар туһунан саҥа дуогабар түһэрсиллэр. 
«Водоканал» АУо специалиһа уу ситимин холбуур уонна учуоттуур тэрили пломбалыы тиийэригэр эрдэттэн төлөпүөнүнэн сэрэтэр. 
Сезон түмүктэннэҕинэ, уу ситимин туттубуккут иһин «Водоканалы» кытта тэҥнээн көрөн баран тута төлүүргүт ирдэнэр. 
Уу ситимин көҥүлэ суох холбонор бобуллар. Быһа холбонон олорор дьон уута сэрэтиитэ суох тута араарыллар уонна турба эргимтэтин, уу сүүрүгэ төһө түргэнин сууккаҕа ааҕан таһааран төлөттөрөллөр.