20.05.2022 | 12:08

Сайыҥҥы сынньалаҥ: Туох? Ханна? Хаһан?

Сайыҥҥы сынньалаҥ:  Туох? Ханна? Хаһан?
Ааптар: Айыына КСЕНОФОНТОВА
Бөлөххө киир

Ыам ыйын 18 күнүттэн оҕо лааҕырдарыгар сурутуу саҕаланна. Сайабылыанньаны edu.e-yakutia.ru үөрэхтээһин порталын нөҥүө биэриэххэ сөп.

Дьокуускай куорат Үөрэххэ управлениета иһитиннэрбитинэн, быйыл сайын барыта 45 лааҕыр үлэлиэҕэ, онно 5278 оҕо хабыллыаҕа.
Ол курдук, оскуолалар уонна эбии үөрэхтээһин тэрилтэлэрин баазаларыгар  38 күнүскү лааҕыр тэриллиэҕэ, онно 3955 үөрэнээччи дьарыгы, сынньалаҥы дьүөрэлиэҕэ. 
Куорат таһынааҕы 5 стационарнай лааҕырга 1060 оҕо сынньаныаҕа. Маны сэргэ, 2 үлэ уонна сынньалаҥ лааҕыра аһыллыаҕа, онно 100 үөрэнээччи сылдьыаҕа. Итиэннэ 2 балаакканан лааҕыр 163 оҕону хабыаҕа.

Куорат таһынааҕы стационарнай лааҕырдар

Үлэлиир графиктара, бастакы смена хаһааҥҥыттан саҕаланара, путевка сыаната – барыта билиннэ. Ону табылыыссаҕа көр.

 

“Спутник”

6,5-тан 18-гар диэри саастаах оҕолору умнуллубат сынньалаҥҥа ыҥырар. Чэбдигирдэр, айар дьоҕуру сайыннарар аналлаах тематическай тэрээһиннэр ыытыллыахтара, “Веревочнай паарка”, сабыылаах бассейн күүтэр.

Сиһилии билсэр төл.: 8 (4112) 34-39-89; 712-207

 

“Радуга”

Быйыл Идэҕэ урутаан бэлэмниир киини (ЦОПП) кытта “PROFлето” диэн бырагырааманы тэрийэр. Ол курдук 13-тэн 18-гар диэри саастаах обургу оҕолор  маастар-кылаастарга дьарыктаныахтара, PROFтургутугу ааһыахтара, “Фотограф”, “Оператор видеозаписи”, “Консультант цифровой грамотности”, “Баһаатай” куурустарыгар үөрэниэхтэрэ. Түмүктүүр аттестацияны ситиһиилээхтик туттардахтарына, профессиональнай бэлэмнэниини ааспыттарын туһунан (квалификациялаах) докумуону ылыахтара.

Сиһилии билсэр төл.: 8-924-367-12-35

 

“Родничок”

Айар дьоҕуру сайыннарар, кэрэҕэ угуйар араас куруһуоктар ыытыллыахтара: “Вокал”, “Хореография”, “Рукоделие” уо.д.а. Ону сэргэ, эти-хааны чэбдигирдэр спортивнай, туристическай дьарыктар баар буолуохтара. Биллэн турар, култуурунай, сэргэхситэр тэрээһиннэр туһалаах сынньалаҥы киэргэтиэхтэрэ.

Сиһилии билсэр төл.: 8-924-462-30-47, 8-996-914-95-95

 

“Бинго”

Научнай, спортивнай, чэбдигирдэр хайысхалаах. Айар лабораториялар үлэлиэхтэрэ, маастар-кылаастар ыытыллыахтара, көмпүүтэр саалата баар буолуоҕа. Хас да устуудьуйа – театральнай, музыкальнай, үҥкүү, ойуулуур-дьүһүннүүр искусство, ритмика,  муода тыйаатыра, пресс-киин уо.д.а. үлэлиэҕэ. Култуурунай, спортивнай бырагыраамата киэҥ.

Сиһилии билсэр төл.: 8 (4112) 32-42-47

“Каландаришвили”

Үөрэтэр, сынньатар, чэбдигирдэр бырагыраамата киэҥ. Оҕолор айар үлэнэн дьарыктаныахтара, үҥкүү, ырыа, кумааҕынан пластика дьарыктарыгар уһуйуллуохтара. Ону таһынан, суруналыыстыкаҕа, видеографияҕа, IT-технологияларга, омук тылларыгар үөрэниэхтэрэ. Спорду өрө тутар оҕолор сүүрэн-көтөн, оонньоон-көрүлээн сынньалаҥнарын атаарыахтара.

Сиһилии билсэр төл.: 8-914-101-93-97

 

Путевка сыаната

Куорат таһынааҕы муниципальнай стационарнай лааҕырдар путевкаларыгар 13 713 солкуобай кээмэйдээх компенсация көрүллүөҕэ. Оччоҕуна төрөппүт төһө харчыны төлүүрүй? Лааҕыр сыаната тус-туспа (табылыыссаҕа көр). Маннык суоттуубут. Холобур, “Спутник” лааҕырга путевка сыаната 40 745 солкуобай. Ити сууматтан 13 713 солкуобайы ылан көҕүрэтэбит. Ол аата төрөппүт 27 032 солкуобайы төлүүр.

 

Төлөбүр аҥаара төннөр

Маны таһынан, былырыыҥҥыттан “Радуга”, “Спутник”, “Каландаришвили”, “Бинго”, “Родничок” лааҕырдар “Лагерный Кэшбек” диэн федеральнай бырагыраамаҕа киирбиттэрэ. Ол курдук, төрөппүттэр путевканы атыылаһалларыгар «МИР» каартанан туһаннахтарына, төлөбүр сууматыттан 50% төнүннэрэр кыахтаахтар. мирпутешествий.рф сайтка сиһилии киирэн ааҕыҥ.

Ф.И. Авдеева аатынан Оҕо айымньытын дыбарыаһа

Бэс ыйын 6-30 күннэригэр күнүскү өттүгэр үлэлиир “Фантазия” лааҕыр аһыллар. 7-12 саастаах оҕолорго аналлаах. Сарсыарда 9 чаастан күнүс 15.00 чааска диэри үлэлиэҕэ, баскыһыанньаҕа өрүүллэр. Төлөбүрэ – 3000 солк. http://gosuslugi.ru/ портал нөҥүө суруйтарыахха сөп.

Естественнонаучнай,  спортивнай, социальнай-гуманитарнай, техническэй, художественнай, социальнай-гуманитарнай хайысхалаах этэрээттэр үлэлиэхтэрэ.  Ол курдук, оҕолор айар үлэнэн үлүһүйүөхтэрэ, спордунан дьарыктаныахтара, сибиэһэй салгыҥҥа оонньуохтара-көрүлүөхтэрэ. Иллэҥ кэмнэригэр бассейҥҥа, киинэ тыйаатырыгар, тыйаатырга, зоопааркаҕа сылдьыахтара. Араас күрэхтэр, викториналар, маастар-кылаастар ыытыллыахтара.

Сиһилии билсэр төл.: 8-914-827-94-96

 

«Туһалаах сайын» (куруһуоктар)

Бэс ыйыгар уонна атырдьах ыйыгар Оҕо айымньытын дыбарыаһыгар оҕолорго аналлаах быстах кэмнээх куурустар ыытыллаллар, ону сэргэ, үөрэх бырагыраамалара үлэлииллэр. Сайыҥҥы куруһуоктарга  https://р14.навигатор.дети. нөҥүө суруйтарыахха сөп.

 

«Инженерные каникулы»

«Кванториум» оҕо технопаарката 4-8 кылаас оҕолоругар “Робототехника”, “Виртуальная реальность”, “3D – технологии” хайысхаларынан интерактивнай дьарыктары ыытар.

Бэс ыйын 6-17 күннэригэр – 60 миэстэ.

Бэс ыйын 20 күнүттэн от ыйын 1 күнүгэр диэри – 60 миэстэ.

 

«Нескучная математика»

12-14 саастаах оҕолору математика умсугутуулаах эйгэтигэр угуйар аналлаах. Бэс ыйын 6-17 күннэригэр ыытыллар. Миэстэ ахсаана – 60.

 «Мультфильмы своими руками»

Оҕолор мульт киинэ оҥоһуллар бары түһүмэхтэрин – идиэйэтиттэн, сценарийыттан саҕалаан, дьоруойдарын саҥардыыга тиийэ үөрэтиэхтэрэ. Куруһуок бэс ыйын 1-10 күннэригэр үлэлиэҕэ. 8-12 саастаах оҕолорго аналлаах. Миэстэ ахсаана – 15.     

«Лего-каникулы!

5-9 саастаах оҕолор ЛЕГО конструкторынан оонньуохтара, инженернэй идэлэри кытта билсиэхтэрэ. Куруһуок бэс ыйын 6-24 күннэригэр үлэлиэҕэ. Миэстэ ахсаана – 60. 

 

«Мастерская кукол»

Куруһуок бэс ыйын 6-26 күннэригэр 9-12 саастаах оҕолору ыҥырар. Үөрэнээччилэр куукула үөдүйбүт историятын билсиэхтэрэ, декоративнай-прикладной искусствонан дьарыктаныахтара.  Миэстэ ахсаана – 30.

 

«Азы туризма»

9-14 саастаах оҕолорго аналлаах куруһуок. Спорду уонна туризмы сэҥээрэр үөрэнээччилэргэ бэртээхэй бырагыраама. Дьарыктар бэс ыйын 1-30 күннэригэр буолуохтара.

 

 «Робинзон»

12-16 саастаах оҕолорго аналлаах куруһуок бэс ыйын 1-30 күннэригэр үлэлиэҕэ. Оҕолору олоххо-дьаһахха бэлэмнээх буолалларыгар, уопсастыбаҕа көхтөөх дьон улаатан тахсалларыгар иитэр-үөрэтэр. 

 

«Шаги в туризм»

Бэс ыйын 1-30 күннэригэр ыытыллар 9-14 саастаах оҕолорго аналлаах бырагыраама. Айылҕаны таптыырга, тулалыыр эйгэни харыстыырга, чөл олоххо үөрэтэр дьарыктар буолуохтара.

 

«Моя уникальная Якутия»

8-10 саастаах оҕолорго аналлаах куруһуок. Бэс ыйын 1-30 күннэригэр үлэлиир. Үөрэнээччилэр Саха сирин айылҕатын уратытын, историятын уонна култууратын үөрэтиэхтэрэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...