30.01.2023 | 15:00

Сайсары уокуругар түөрт сылаас тохтобул арыллыбыт

Сайсары уокуругар түөрт сылаас тохтобул арыллыбыт
Ааптар: Киин Куорат
Бөлөххө киир

Тохсунньу 28 күнүгэр Евгений Григорьев куорат биир кырдьаҕас уокуругун – Сайсары олохтоохторун иннигэр отчуоттаата.   Кэлиҥҥи сылларга умнулла быһыытыйбыт Сайсары уокуругар ааспыт сылга суол тутуута балысханнык ыытыллыбыт. Ол курдук, Ильменскэй, Яков Потапов, Маяковскай, Уустаах Избеков уулуссаларыгар хапытаалынай өрөмүөн оҥоһуллубут, Билибин, Три сосны, Мерзлотнай уулуссалар өрөмүөннэммиттэр, Кардиология диспансерыгар киирии суол тутуллубут. Быйыл, 2023 сылга, Винокуров уулуссата саҥардан тутуллаары турар. Өрөмүөн үлэтэ 6 оҕо оонньуур балаһааккатыгар ыытыллыбыт.  2022 сылга уокурукка саҥа сквер баар буолбут. Ол курдук, Билибин уулуссатыгар олохтоохтор көҕүлээһиннэринэн Аҕа дойду Улуу сэриитин бэтэрээннэригэр, «Победа» уонна «Заря» ДСКлары төрүттээччилэргэ аналлаах сквер тутуллубут. 2023 сылга Чочур Муран территориятыгар Бриллиант сэргэ турар сирэ тупсарыллыаҕа. Саамай улахан үлэ Сайсары күөл тула күүтэр. Хаарбах дьиэттэн көһөрүү өрөспүүбүлүкэтээҕи бырагырааматынан 101 кыбартыыраттан 269 киһи саҥа дьиэҕэ көспүт, 9 дьиэ көтүрүллүбүт, муниципальнай бырагырааманан 9 кыбартыыраттан 33 киһи көһөрүллүбүт. 2023 сылга өрөспүүбүлүкэтээҕи бырагырааманан 220 кыбартыыраттан 621 киһини, муниципальнай бырагырамаанан 8 кыбартыыраттан 42 киһини көһөрөр сорук турар. Яков Потапов уулуссатыгар спорт балаһаакката тутуллубут, быйыл 77-с кыбаарталга саҥа элбэх функциялаах спорт саалата тутуллаары турар. Куорат кииниттэн тэйиччи уокурук олохтоохторугар ааспыт сылга түөрт 4 сылаас тохтобул тутуллубута үтүө түгэн буолбут: «Борисовка-1», «3-я Борисовка», «Школа-интернат», «Советская». 2022 сыл устата Саха политехническэй лицейгэ уонна 20 №-дээх оскуолаҕа өрөмүөн ыытыллыбыт. Борисовка-1 уонна Борисовка-3 дьоҕус архитектурнай формалар туруоруллубуттар.  Лермонтов уул., 138/2, 138/3, 138/4, 156/2 тиэргэни тупсарыы үлэтэ ыытыллыбыт. 2023 сылга Чайковскай уул., 30/1, 30/3, 30/4 ыытыллыаҕа. «Наука” кыбаарталга, Сосновая уул., 52 дьиэтиттэн Винокуров уулуссатыгар диэри уулусса сырдатыыта оҥоһуллуоҕа. 2023 cылга олохтоохтор Сэргэлээх шоссетын 10 км инбэлииттэр дьиэлэрин диэки сылаас тохтобулу туруорары көрдөстүлэр. Куоска приютун тутары эбэтэр маныаха сир учаастагын биэрэри көрдөһүү эмиэ баар. Оттон Саха политехнический лицей салҕааһын туттарыан баҕарар.  Нэһилиэннньэ өттүттэн учаастактааҕы полицейскай сотору-сотору уларыйара бэрээдэги көрүү мөлтөхтүк барарыгар төрүөт буоларын, Салайар хампаанньалар үлэлэрэ, уулуссалары грейдердээһин мөлтөҕүн, оптуобустар интерваллара уһунун, уулуссалар хараҥаларын этиннилэр.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...