22.01.2021 | 08:08

"Сайар сарыал" уонна "Дорҕоон тойуга"

"Сайар сарыал" уонна "Дорҕоон тойуга"
Ааптар: Киин Куорат

СӨ Культураҕа уонна Духуобунай сайдыыга Министерствотын иһинэн Ресурснай-бырайыактыыр Киин специалиһа В.П.Стручков-Дуулаҕа Дьуһаал тэрийбит "Сайар сарыал", "Дорҕоон тойуга" диэн икки түмсүүбүт арыллан үлэлээбитэ быйыл үһүс сылын туолар. Манна Сахабыт сирин бары улуустарыттан хоһоон айааччылар түмсэн үлэлии олоробут. Айар дьоҕурдаах дьону түмэн В.П Стручков суруйуу араас ньыматыгар, хоһоону ааҕыы уустук көрүҥэр үөрэтэр. Онон бу тэрилтэ иһинэн үлэлиир түмсүүбүт, Сахабыт тыла сайдыытыгар, күннээҕи олохпутугар туттуллар, умнууга хаалбыт тыллары сөргүтүүгэ, кэлэр ыччат ийэ тылын сүтэрбэккэ иҥэриниитигэр сэмэй кылаатын киллэрсэр. Маны таһынан араас тэрээһиннэргэ кыттабыт. Ыытыллыбыт үлэ хаамыытын хаартыскалар, видеосюжеттар туоһулууллар. Виктор Павловичка сүрүн көмөлөһөөччүнэн Галина Ильинична Захарова- Уордьаннаах Кыыһа үлэлээбитэ, ону таһынан билигин Луиза Николаевна Петрова-Этигэн Ыра уонна Татьяна Михайловна Петрова-Мойуу Кыыһа үлэлии олороллор. Салайааччыларбытыгар маннык түмэн үлэлэтэ олороллоругар махталбыт муҥура суох. Бу кэм устата В.П. Стручков илиитин иһинэн ааспыт айымньыларбыт түөрт хомуруунньуга бэчээттэнэн таҕыста: 1."Кындыа кыһын ыллыктаах ырыата". 2."Улуу кыайыыны уруйдуубут". 3."Күн кута сибэкки". 4."Оҕо саас оһуора". Хомуурунньуктар чопчу тиэмэлэринэн арахсар буоланнар, ааҕааччы сэҥээриитин ылыахтара, культура, уһуйаан,оскуола үлэһиттэрэ туһаныахтара диэн эрэнэбит. Түмсүүбүт үлэтэ өссө да үүнэ-сайда, кэҥии турарыгар баҕарабыт. Ресурснай-бырайыактыыр Киин салайааччытыгар Михаил Михайлович Донскойга бары өттүнэн өйөбүлүн иһин барҕа махталбытын тиэрдэбит! Айар куттаах доҕотторбутун түмсүүбүт 4 кинигэтэ тахсыбытынан эҕэрдэлиибит! Айар аартыккыт ыйар суола үрдүккэ көтүттүн, ийэ тылбыт үүнэ-сайда турдун!

Арылы Таатта, Дьохсоҕон.

Сонуннар

Ордук ааҕаллар

Эссетэ суруй – смартфонна сүүй!
Сонуннар | 13.05.2021 | 10:59
Эссетэ суруй – смартфонна сүүй!
1991-1992 сылларга бүттүүн норуот өйө-санаата уһуктуутунан кынаттанан тахсыбыт национальнай оскуолалары саҥардыы Концепцията бигэргэтиллэн олоххо киирэн барбыта. Оччотооҕу Национальнай Концепция быйыл 30 сылын туолла. Концепцияттан үгүс чаҕылхай ыччат, сайдам санаалаах дьон үүннүлэр. Национальнай Концепция үбүлүөйдээх сылын көрсө, “Киин куорат” хаһыат уонна “Ийэ тыл кэскилэ” түмсүү ЭССЕ КҮРЭҔИН биллэрэллэр.  Концепция аҕалбыт туһатын,...
Оҕону сахалыы иитэр ньыма — алтыһыы уонна эйгэтин тэрийии
Дьон | 10.05.2021 | 20:34
Оҕону сахалыы иитэр ньыма — алтыһыы уонна эйгэтин тэрийии
Виталий Архипович Слепцов “Ийэ тыл кэскилэ” түмсүү быйыл Төрөөбүт тыл күнүгэр ыыппыт сэргэх тэрээһинигэр дьиэ кэргэниниин кэлэн кыттыбыттарын олус хайгыы көрбүтүм. Онно Виталий “Аҕа биһигэ” диэн бэйэтин ийэтэ айбыт олус истиҥ ырыатын киһини уйадытардыы толорбутун көрөөччү бары сэҥээрбитэ. Түмүгэр өссө “Аҕалар оҕо иитиититтэн туора турумуоҕуҥ!” диэн ис хоһоонноох ыҥырыытын, оруннаах...
Уус идэтэ киһини тардар ураты күүстээх
Дьон | 10.05.2021 | 09:26
Уус идэтэ киһини тардар ураты күүстээх
Ютубка кэргэннии Сыромятниковтар “Сардаана: сахалыы канал” диэн дьоҥҥо-сэргэҕэ олус туһалаах биэриилэрин көрбүт буолуохтааххыт. Бүгүн “Эр бэрдэ”  балаһабытыгар, сайдам санаалаах сайаҕас ыал аҕа баһылыга Иван Сыромятников ыалдьыттыыр. Сытыы харахтаах, сымса туттуулаах Кини Анаабыр улууһуттан төрүттээх, хоту дойду хоһуун уолана. Омугунан эбэҥки. – Иван Алексеевич, үтүө күнүнэн! Кэпсэтиибитин төрүттэргиттэн саҕалыах. – Аҕам...
Ырыа күнэ киэҥ далааһыннаахтык бэлиэтэниэҕэ
Сонуннар | 12.05.2021 | 21:55
Ырыа күнэ киэҥ далааһыннаахтык бэлиэтэниэҕэ
Бүгүн, ыам ыйын 12 күнүгэр, СӨ Мелодистарын ассоциацията тэриллибитэ 30 сылынан Ырыа күнүн ыытыы туһунан СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһэ таҕыста.  Онно олоҕуран, 2021 сыл ыам ыйын 21 күнүгэр СӨ Мелодистарын ассоциацията тэриллибитэ 30 сылынан Ырыа күнэ онлайн көрүҥүнэн ыытыллыаҕа. Бу күнү үрдүк таһымҥа...