Сарсыҥҥыттан даачаларга оптуобустар сылдьан саҕалыыллар

2003 сыл алтынньы 6 күнүнээҕи 131 нүөмэрдээх «РФ бэйэни салайыныыны тэрийии уопсай бириинсиптэрэ» Федеральнай сокуоҥҥа олоҕуран, киин куорат нэһилиэнньэтин тырааныспарынан хааччыйыыга туһааннаах департаменнары, управлениелары, онно сыһыаннаах бары тэрилтэлэри кытта үлэ ситимнээхтик барар. 
Ол курдук куорат баһылыга Евгений Григорьев Намныыр суолга баар даачаларга тиийэр 124 нүөмэрдээх оптуобус маршрутун чуолкайдыырга “ЯПАК” тэрилтэҕэ (дириэктэр Домотов В.А.) уонна Куораты тутуу уонна тырааныспар инфраструктуратын департаменыгар (Архипова С.В.) сорудах биэрдэ.

2021 сыл ыам ыйын 1 күнүттэн  балаҕан ыйын 15 күнүгэр диэри 124 нүөмэрдээх оптуобус автовокзалтан Намсыыр суолугар баар даачаларга диэри тиһигин быспакка сылдьыахтаах. 
Нэһилиэнньэ социальнай көмүскэлин уонна үлэлээх буолуутун управлениета (Матвеев С.И.)  ыам ыйын 1 күнүттэн социальнай айан билиэттэрин уонна Намсыыр суолугар  даачаларга тиийэр социальнай каарта тырааныспар сыһыарыытын ороскуоттарын уйунуоҕа. 
Куорат хаһаайыстыбатын үлэлэтэр сулууспа (Егинов А.А.) саад-оҕуруот табаарыстыбаларын территорияларыгар муус устар 26 күнүттэн балаҕан ыйын 15 күнүгэр диэри суолу өрөмүөннүүргэ уонна көрө-истэ сылдьарга сорудах ылла. 
Даачаларга айанныыр оптуобустар ыам ыйын 1 күнүттэн сырыыларын саҕалыахтара. 121, 123, 124 нүөмэрдээх оптуобустар Бүлүүлүүр уонна Намсыыр суолларга баар даачаларга олохтоммут график быһыытынан сылдьыахтара. Бырайыас сыаната – 44 солкуобай. 
119, 102 оптуобустар ыам ыйын 11 күнүгэр «Өлбүттээхтэр субуоталарынан” сибээстээн Дьокуускай – Маҕан кылабыыһата хайысханан төлөбүр көрүҥүттэн тутулуга суох 30 солкуобайга илдьиэхтэрэ.  
Коронавируһу тарҕаппат сыаллаах оптуобустарга дезинфекция уонна салгыны ырааһырдыы тиһигин быспакка ыытыллар.