14.02.2022 | 17:00

Саха сирин ТОП-10 бастыҥ айар ыала

Саха сирин ТОП-10 бастыҥ айар ыала
Ааптар: Киин Куорат
Бөлөххө киир

Сибэтиэй Балантыын күнэ – икки таптаһар сүрэхтэргэ дириҥ суолталаах, истиҥ бырааһынньык. Тапталлаахтар күннэрэ чугаһаабытынан хаһыаппыт Сахабыт сирин 10 бастыҥ пааратын быһаарда. Бэлиэтээн эттэххэ, биһиэхэ рейтинг суох, онон нүөмэргэ болҕомтобутун уурбаппыт. 
Бу ТОП кыттыылаахтара олоххо дьиҥнээх таптал баарын чаҕылхайдык туоһулууллар. Тапталлаах буолуҥ!

1. Ньургуяна уонна Дмитрий Шадриннар – иккиэн тыйаатыр уонна киинэ талааннаах артыыстара.
1999 сыллаахха тутуспутунан Щепкин аатынан театральнай училищеҕа үөрэнэ киирбиттэр, онтон биир сыанаҕа оонньообуттар. Элбэх оҕолоох ыал.

2. Розалина Файрушина уонна Сахамин – иккиэн саха эстрадатын сулустара. Икки уол оҕолоох дьиэ кэргэн. Бу – олох тапталтан тиһиллэрин бэлиэтэ. Бииргэ ыллыылларыттан да сылыктаатахха, орто дойдуну таптал эрэ быыһыыр кыахтаах.

 

3. Гуля Аверинская уонна Эрхан. Бу аныгы ыччакка холобур буолар эдэр ыал. Ыал ийэтэ Гуля – Саха сирин бастыҥ моделларыттан биирдэстэринэн ааҕыллар, фотографтар хаартыскаҕа сөбүлээн түһэрэллэр. Эрхан – эргиччи талааннаах чаҕылхай ыччат.

 

4. Евгения уонна Виталий Щукиннар – бу ыаллар өссө оскуолаҕа үөрэнэ сылдьан таптал уотугар умайбыттар. Социальнай ситимтэн көрдөххө, олоҕу үөрүү-көтүү аргыстаах олороллор. Евгения айылҕаттан ураты талааннаах ийэ, оттон Виталий саха киинэтин тарбахха баттанар артыыһа.

 

5. Лилия Соловьева уонна Ньургун Бэчигэн – иккиэн эмиэ айар талааннаах дьон. Ньургун Тыгын Дархан оруолунан Сахатын сирин аар-саарга аатырта. Ону сэргэ араадьыйаҕа элбэх истээччилээх «топовай» ыытааччы. Лилия IT хайысхатыгар таһаарыылаахтык үлэлиир, саха тылыгар аналлаах араас сыһыарыылары оҥорор талааннаах исписэлиис. Ол эрээри сахалартан биир бастакынан илиҥҥи хамсаныылары баһылаабыт имигэс үҥкүүһүт быһыытынан ордук биллэр.

6. Дана уонна Василий Семеновтар – аҕыс оҕолоох дьиэ кэргэн. Сахабыт сирин инстаграм-блогердарыттан саамай “позитивнай” паарата буолуон сөп.

 

7. Альбина уонна  Николай Матаннановтар – эмиэ оҕо эрдэхтэриттэн, этэргэ дылы, биир үрэх уутун иһэн, биир салгынынан тыынан улааппыт дьон. Иккиэн Таатта улууһуттан төрүттээхтэр, ыаллыы олорбуттар, аатырбыт  «Доҕордоһуу” үҥкүү ансаамбылыгар бииргэ дьарыктаммыттар. Бу – таптал.

 

8. Юана уонна Виктор Рассадин. Бэрт соторутааҕыта Иван Ярыгин аатынан 33-с норуоттар икки ардыларынааҕы турнирга Орто Халыматтан төрүттээх тустуук Виктор Рассадин кыһыл көмүс мэтээли ылан, норуотун үөртэ. Оттон Сунтаар кыыһа Юана ураты кэрэ куоластаах ырыаһыт быһыытынан биллэр. Таптал ырааҕы да чугаһатар.

 

9. Анита уонна Дуолан Трофимовтар –  эмиэ ырыа куттаах ыал. Дуолан саха норуотун кутун туппут «Кулунчук», «Сахам ата» ырыалары толорон, дьоҥҥо-сэргэҕэ олох кыра сааһыгар биллибитэ. Ваня Трофимов диэн аатынан «Хотугу сулус” телевизионнай куонкуруска сырдык сулус буолан тахсыбытын бэрткэ диэн өйдүүбүт. Олоҕун аргыһын Анитаны кытта оскуолаҕа бииргэ үөрэммиттэр. Ааспыт сылга Трофимовтар сүрэхтэрин холбообуттара.

 

10. Санита Ай уонна Эрхан – сахабыт эстрадатын биир талааннаах дьиэ кэргэнэ уонна бу орто туруу бараан дойдуга дьиҥнээх таптал баарын, таптаһар сүрэхтэргэ үйэлэрин тухары кутаа уот буолан күөдьүйэрин туоһулара.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!