Саха сирин спордун кэскилин дьүүллэстилэр
ВЭФ-2023 балаһааккатыгар Саха Өрөспүүбүлүкэтигэр спорт, ол иһигэр художественнай гимнастика уонна мас тардыһыыта сайдар кэскиллэрин өрөспүүбүлүкэ Ил Дархана Айсен Николаев РФ спортка миниистирэ Олег Матыцинныын дьүүллэстилэр.
«Уһук Илин уулуссата» Саха сирин павильонугар эһиил, 2024 сылга, Дьокуускайга буолуохтаах «Азия оҕолоро» норуоттар икки ардыларынааҕы спортивнай оонньуулар презентациялара буолла.
Олег Матыцин күрэхтэһии презентациятын үрдүктүк сыаналаата уонна тэрээһини өйүүрүн биллэрдэ.
Көрсүһүүгэ Айсен Николаев иһитиннэрбитинэн, «Азия оҕолоро» оонньуулаарга бэлэмнэнии тэтимнээхтик ыытыллар.
«Тас дойдулартан делегациялар кэлэ сырыттылар. Күрэхтэһиилэргэ 25-тэн итэҕэһэ суох судаарыстыба кыттыаҕа», - диэтэ Ил Дархан.
Саха Өрөспүүбүлүкэтин спортка миниистирэ Леонид Спиридонов информациятынан, балаҕан ыйын 12 күнүгэр Саха сирин павильонугар мас тардыһыытыгар «Колмар» чоҕу хостуур хампаанньа кубога ыытылынна. Турнирга 19 дойдуттан – Арассыыйаттан, Анголаттан, Арменияттан, Беларусьтан, Бразилияттан, Венгрияттан, Египеттан, Индияттан, Кытайтан, Колумбияттан 24 спортсмен кыттар.
Сонуннар
Ордук ааҕаллар
