14.06.2021 | 14:53

Саха сирин үрдүнэн икки баһаары умуруордулар

Саха сирин үрдүнэн икки баһаары умуруордулар
Ааптар: Киин Куорат
Бөлөххө киир

Өрөспүүбүлүкэ олохтоохторугар куттал суоһаабатын хааччыйар Судаарыстыбаннай кэмитиэт бэрэссэдээтэлэ Дмитрий Лепчиков салайааччылаах суһал штаб мунньаҕар Саха сирин территориятыгар ойуур баһаардарын балаһыанньатын ырытыстылар. 
Суукка устата өрөспүүбүлүкэ сиригэр 26 га иэннээх икки баһаар умуруорулунна. Өссө икки Хаҥалас уонна Ленскэй оройуоннарыгар бохсулунна. 


«10 км сиргэ сэттэ ойуур баһаара баар, олорго суһал миэрэ ылыллан умуруора сылдьаллар. Ити учаастактар Ньурба улууһун Маар сэлиэнньэтин уонна Сунтаар улууһун Тумулун таһыгар, Үөһээ Бүлүү оройуонун Булгунньахтааҕын, Томпо оройуонун Хаандыгатын, Уус-Майа оройуонун Белькачи сэлиэнньэтин, Ленскэй оройуонун Ленскэйин уонна Өймөкөөн аэропуордун таһыгар бааллар», - диэн биллэрэр СӨ баһылыгын уонна бырабыыталыстыбатын пресс-сулууспата. 
Өрөспүүбүлүкэ иһигэр барыта тоҕус оройуоҥҥа ойуур баһаарын умуллараллар: Үөһээ Бүлүү, Ленскэй, Мирнэй, Ньурба, Сунтаар, Томпо, Өймөкөөн, Уус-Майа уонна Хаҥалас.


Саха сирин нэһилиэнньэлээх пууннарыгар уоту киллэрбэтилэр. Билиҥҥи туругунан нэһилиэнньэҕэ уонна экэниэмикэ эбийиэктэригэр куттал суоһаабат. 
Ойуур баһаардарын умуруорууга 872 киһи үлэлиир, ол иһигэр Ойууру авиациянан харабыллыыр тэрилтэ, ЫБМС, ойуур харыстабылын үлэһиттэрэ. Арассыыйа ойуурун хаһаайыстыбатын федеральнай резервэтиттэн көмөҕө эбии дьон кэллэҕинэ баһаар туруга ханна, хайдах буоларыттан көрөн миэрэ ылыллар. 
Баһаары умулларыыга 98 тиэхиньикэ үлэлиир. 14 сөмөлүөт уонна 5 бөртөлүөт Саха сирин ойуурдарын патрууллуур, ону сэргэ аһы-үөлү, наадалаах тэрили уонна бөлөхтөрү таһар.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...