16.06.2021 | 10:50

Саха сирин фиэрмэрдэрэ бородуукталарын «Свое Родное» сервис нөҥүө атыылаан эрэллэр

Саха сирин фиэрмэрдэрэ бородуукталарын «Свое Родное» сервис нөҥүө атыылаан эрэллэр
Ааптар: Киин Куорат
Бөлөххө киир

«Россельхозбанк» АУо «Свое Родное» цифровой өҥө экоситимин оҥорон фиэрмэрдэри уонна атыылаһааччылары бииргэ түмэр суолу тобулбут. Ол туһунан «Россельхозбанк» АУо региональнай салаатын пресс-сулууспата иһитиннэрэр. 
Цифровой платформа олохтоох оҥорон таһаарбыт бородуукта атыытыгар уонна агротуризм эйгэтигэр сыһыаннаах. Бүгүҥҥү күннээҕи туругунан, бу сыһыарыыга 67 олохтоох бородууксуйаны оҥорон таһаарааччы регистрацияламмыт. Олор истэригэр «Ягоды Якутии», «Амма», «Эрэл»  уо.о.д.а. бааллар. 


«Свое Родное» цифровой өҥө экоситимҥэ Арассыыйа ханнык баҕарар фиэрмэрэ киирэн регистрацияланыан, бородууксуйатын уонна оҥорон таһаарбыт табаарын каталогын угуон сөп. Маны сэргэ агротуризм өҥөлөрүн киллэрэр кыахтаах. 
Фиэрмэрскэй хаһаайыстыбалар бородуукталарын  атыылаһааччыга быһаччы тахсан эбии төлөбүрэ суох батараллара табыгастаах буолар. Ону сэргэ, тыа сиригэр араас саататар тэрээһиннэри ыытыыга уопут атастаһыахха, клиеннэргэ экскурсиялар уонна бородууксуйаны амсатыы тустарынан кэпсиэххэ, маастар кылаастарга кыттыахха сөп. 


Атыылаһааччылар бу сыһыарыы нөҥүө элбэх фиэрмэр бородууксуйатыттан бэйэлэрэ көрөн, талан ылаллара эмиэ табыгастаах. «Свое Родное» өҥөтүнэн Арассыыйа олохтоохторо эрэ буолбакка, ыалдьыттар эмиэ туһаныахтарын сөп. Платформаны оҥорооччулар ону эмиэ учуоттаабыттар. 
«Саха сиригэр тыа сирин оҥорон таһаарааччылара өрөспүүбүлүкэ экэниэмикэтин сүрүн сорҕотунан буолаллар.  Ол иһин дьоҕус уонна орто агробизнеһи өйүүр биһиги региоммытыгар улахан суолталаах. Итиннэ «Свое Родное» цифровой платформа оҥоһуллубута төһүү күүһүнэн буолуоҕа. Саха сирэ экология өттүнэн ыраас бородууксуйалааҕынан биллэр. Цифровой платформаҕа көһүү ханнык баҕарар хайысхалаах бизнес сайдыытыгар туһалаах буолуоҕа», - диир Дьокуускай куорат тыа хаһаайыстыбатыгар Управлениетын салайааччыта Николай Степанов.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....