13.03.2022 | 16:00

Саха сирин бастыҥ кэрэ аҥаардара кимнээҕий?

Саха сирин бастыҥ кэрэ аҥаардара кимнээҕий?
Ааптар: Айталина Софронова

Аан дойдутааҕы дьахталлар бырааһынньыктарынан Сахабыт сирин биллэр-көстөр, талааннаах, холобур буолар кэрэ аҥаардарын рейтинин оҥордубут.

Альбина Дегтярева

Сахабыт эстрадатыгар сулус буолан ыллыы, айа-тута сылдьар ырыаһыттарбыт бары кэриэтэ Альбина Михайловна оскуолатын ааспыттара. Урукку сылларга Музыка үрдүкү оскуолатын иитиллээччилэрэ уонна музыкальнай колледж устудьуоннара дьарыктанар эбит буоллахтарына, кэлиҥҥи сылларга  Альбина Михайловна талааннаах уонна баҕалаах ыччакка анаан маастар-кылаастары ыытар. «Айархаан» этно-бөлөх кини ааптарыскай бырайыага. Альбина Дегтяреваны билбэт, кини талааныгар сүгүрүйбэт киһи Сахабыт сиригэр суоҕун кэриэтэ буолуо.

Ольга Григорьева

Күннээҕи олоххо сахалыы куту-сүрү баар оҥорор тэрилтэнэн “Көмүлүөк” хампаанньа биллэр. Бу хампанньа оҥорон таһаарбыт иһитэ-хомуоһа билигин ыал аай баар буолла. Тэрилтэни күн бүгүнүгэр диэри тутан олорор далбар хотунунан Ольга Григорьева буолар. Ольга тапталлаах кэргэн, элбэх оҕо күн күбэй ийэтэ, уопсастыбанньык уонна саха култууратын атын омуктарга тарҕатааччы, киэҥ эйгэҕэ билиһиннэрэр өрөспүүбүлүкэ биир тарбахха баттанар Кэрэ Куота.

Степанида Борисова

Степанида Борисова — Арассыыйа норуодунай артыыската, Саха тыйаатырын талааннаах артыыһа. Кини кэргэнэ аатырбыт режиссер Андрей Борисов. Степанида Ильинична номнуо номохха киирбит саха дьахтара. Бүгүн элбэх кэрэ аҥаар кинини холобур оҥостор, сөҕөр, сөбүлүүр. 

 

Ильяна Павлова

Ильяна Павлова – Саха тыйаатырын чаҕылхай артыыһа. Куруук үөрэн мичилийэ сылдьар, уурбут-туппут курдук көнө дьылыгар уҥуохтаах, чох хара харахтаах Кэрэ Куону тэлэбиидэнньэ да, интэриниэт балаһааккалара олус сөбүлүүллэр.

 

Людмила Николаева

Өрөспүүбүлүкэ биир саамай сиэдэрэй дьахталларыттан биирдэстэринэн дойдубут баһылыгын кэргэнэ Людмила Николаева ааҕыллар. Людмила алаһа дьиэ хаһаайката, уопсастыбанньык уонна тапталлаах кэргэн.

 

Надежда Дворецкая

Надежда Дворецкая –  РФ Силиэстийэлиир кэмитиэтин Саха сиринээҕи управлениетын салайааччытын сонуннары киэҥник тарҕатар ситимнэри кытта үлэҕэ старшай көмөлөһөөччүтэ. Кини тапталлаах кэргэн, ийэ буолар. Сонуну киэҥник тарҕатар Надежда быһыы-таһаа мааныта, үрдүк уҥуох, уһулуччу толкуй, сытыы өй-санаа холобура.

Владлена Бурнашова - Сахая

Сахая – СӨ үтүөлээх артыыската, норуот тапталлаах ырыаһыта, саха эстрадатын примадонната. Олоҕун аргыһа талааннаах артыыс Александр Бурнашов, икки уол оҕо тапталлаах ийэтэ.

 

Ольга Балабкина

Саха политикатын биир мындыр, хорсун уонна ситиһиилээх хотуна Ольга Балабкина. СӨ Бырабыыталыстыбатын бэрэссэдээтэлин солбуйааччы Ольга Валерьевна урукку сылларга Ил Түмэн норуодунай дьокутаатынан үлэлиир кэмигэр элбэх сокуоҥҥа дьоһун көннөрүүлэри киллэрбитэ. Билигин аан дойду үрдүнэн хаардыы хаампыт коронавирус дьаҥын утары өрөспүүбүлүкэтээҕи суһал ыстаап салайааччытын солбуйааччы буолан, күн аайы  ыарыы туругун аһаҕас эпииргэ тахсан билиһиннэрэр.

 

Сардана Авксентьева

Дьокуускай куорат историятыгар аан бастаан дьахтар аймахтан мэринэн  талыллан үлэлээбитэ. Билигин Арассыыйа Судаарыстыбаннай дууматын дьокутаата. Урукку сылларга Дьокуускай аэропордугар, «Саха» национальнай көрдөрөр-иһитиннэрэр хампаанньатыгар салайар дуоһунастарга үлэлээбитэ.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...